حاجات تعملها بعيداً عن السوشيال ميديا

لو قررنا في يوم إننا نشوف قد أيه أنت بتقعد على الموبايل وقد ايه أنت بتقعد على الفيسبوك أو التويتر أو غيره وحسبنا متسوط عدد الساعات اللي بتقعدها في اليوم هنلاقي إن الأغلب ممكن يقعدلك ساعتين أو اكتر بس بيتفرج على السوشيال ميديا، فيه ناس بتوصل معاها لخمس أو ست ساعات من الوقت الضايع في سحب الشاشة ، فالنهاردة حبيت أكتب المقالة الطويلة دي على أمل إنك تُعجب بواحدة من الأفكار اللي هكتبهم النهاردة! .... المقالة هتكون طويلة ومليانة روابط وغيرها فلو حابب المحتوى متنساش الإشتراك في النشرة علشان يوصلك كل يوم جمعة مقالة جديدة عن موضوع مختلف!

في المقالة دي هكون مختصر على قدر الإمكان وهتكلم بشكل مبسط عن كل فكرة وممكن يكون فيه زيادة رابط أو أتنين لو الشرح طول ، من المهم تُلقى النظرة على العناوين الأساسية وهي:

• سوشيال ميديا مُنظمة
• إختراع أو عمل
• تعلم!
• أبحث
• تحرك
• تواصل
• نظم
• دَون
• ألعب

ودلوقتي كل عنوان من العناوين دي هيكون ليها أجزاء تانية تعملها بعيداً عن السوشيال ميديا بشكل كامل ويلا نبداً

سوشيال ميديا مُنظمة

لو أنت هتستخدم السوشيال ميديا حاول تستخدمها مع الطرق دي

• حط لنفسك مؤقت يُحد من إستخدامك لمواقع السوشيال ميديا بحيث لو عدي إستخدامك عدد معين من الساعات يقفل عليك البرنامج
• بص دايماً لمحتويات كويسة وأنت حاببها بعيداً عن أي محتوى مش حابه
• لما تستخدم السوشيال ميديا إستخدمها وأنت واقف ، كده أنت هتعرف وقتك بيروح قد أيه في البرنامج
• خلي بالك من الناس اللي بتتابعهم ونظم المتابعين لأنهم أساس المحتوى اللي بيجيلك
• أكتب تعليقات مختلفة ومش بس مجرد تعليق بسيط أنت متعود عليه
• أستخدم pinterest وهو برنامج سوشيال ميديا لكن بطريقة مختلفة تماماً إستخدامه سهل ومش هيخليك في وضع السحب من غير إفادة لأن صدقني الموقع ده منظم بطريقة عالية!

Pinterest

• أعمل not interested لأي محتوى أنت شايف أنه مش حلو فمواقع السوشيال ميديا لو فضلت تتفرج على المحتوى دي هيجيب منه أكتر بكتير
• حط في واجهة الموبايل الscreentime ده هيخليك عارف أنت إستهلكت في اليوم قد أيه من الموبايل
• أقفل الإشعارات من برامج السوشيال ميديا ودي شايفها فارقة في إستخدامك لأنك بتفتكر البرامج وقت ما تجيلك الإشعارات

إخترع!

• أعمل CV لنفسك وقضي وقت في كتابة إنت عملت إيه في الكارير بتاعك
• أكتب محتوى بالحاجة اللي إنت حاببها وفي نفس الوقت مش صعبة وتاخد من وقتك كتير 
• أكتب في نشرة زي ما أنا بعمل دلوقتي عن الشئ اللي أنت حابب تتكلم عنه (أشترك😶)
• صمم تيشرتات من teespring وأعمل من تصاميمك دي فلوس تكسبها !

Spring

• ذاكر🤡

تعلم!

• إتفرج على فيلم وثائقي للحاجة اللي شادة إهتمامك (زي الحرب العالمية😂)
• إتعلم لغة جديدة عن طريق dulingo أو بأستخدام الفلاش كارد زي quizlet أو anki وإتكلمت عن الأتنين في مقالة قبل كده

الفلاش كارد! - مساحة أدهم | هدهد

• أبدأ في كورس أونلاين عن مهارة أو حاجة حابب تتعلمها زي الفوتوشوب أو البرمجة وصدقني فيه العديد والعديد من المواقع والمحتوى اللي بيقدم حاجات زي كده بالمجان

Coursera | Degrees, Certificates, & Free Online Courses

Learn Digital Skills with Free Training - Google Digital Garage

Udemy

• روح لمكتبة! ... انا عارف إن ده مش متاح للبعض لكن لو متاح ليك فأنت عندك كنز أما لو مش عندك فأدخل على حاجات شبه المكتبة زي روابط تيليجرام عن الكتب وغيرها
• أتفرج على حاجات تتعلمها من اليوتويب أو ما يُسمى بال how to videos وده هيساعدك تتعلم كتير جداً عن الحاجة اللي بتحبها أو حاجة جديدة

إستكشف

• روح لمطعم أو مكان إنت مشفتهوش قبل كده وأعمل تقييم عنه في google maps وممكن لو كلمت بعد فترة آرائك هتكون مصدر الإهتمام من ناس كتير
• أعمل ببساطة حاجة أسمها places to go وأي إعلان أو مكان أنت حابب تروحه ببساطة حطة في خانة places to go بحيث يكون واجهة ليك بعدين