النمو يحتاج إلى "دراهم"

في التجارة، النمو ما يجي صدفة. النمو يحتاج خطة، ووقود… والوقود هنا هو الدراهم

ما فيه تاجر كبر واستمر بدون ما يضخ تمويل في نشاطه: يوسّع المخزون، يفتح فرع، يطوّر خدمة التوصيل، أو ينفذ حملة تسويقية.

لكن يبقى السؤال:

• كم أتموّل؟
• متى؟
• وأيش أفضل الممارسات في تمويل التجزئة؟

٢. اربط التمويل بهدف واضح

التمويل مو مجرد مبلغ ينام في الحساب، لازم يكون وراءه خطة. وكل ماكانت الخطة مُحكمة، كل ماقللت مخاطرة إنك تتعثر في السداد وفي الوصول لمستهدفات التمويل.

مثال : تاجرة متميزة في مجالها، شافت منتج من منتجاتها عليه طلب عالي. كل ما وفرّت منه كميات انتهت واضطريت تسوي إعادة توريد ReStock . قررت تتفاوض مع المصنع أو المورد وتطلب منه بدال الـ ١٠٠ حبه، عدد أكبر ( ٥٠٠ حبه) ومقابل هالشراء بكميات بتحصل على خصم ٣٠٪ من قيمة الفاتورة إذا دفعت مقدماً. هنا تجي فكرة الاستفادة من التمويل : بشتري مخزون، لتقليل التكلفة وضمان مبيعات أعلى.

٢. مو كل تمويل يناسبك!

حاولت دائماً عند الحصول على تمويل، الاطلاع على خياراتك في السوق. كل ما قويت ملائتك المالية (وضعك المالي) كل ما كنت أكثر جاهزية وتنوّعت خياراتك. في مرحلة متقدمة في مشروعك ونشاطك التجاري بتقدر تحصل على تمويل من بنكك.

فيه خيارات كثيرة، بعضها ممكن تكون بضمانات شخصية وبعضها يضمن لك البضاعة وغير ذلك. اللي لاحظته أن التمويل لا يخرج عن خيارات في البدايات محدودة، تبدأ بقرض شخصي بفوائد أقل، ثم تقدر تشوف خيارات مثل قروض : بنك التنمية (منخفضة الفوائد) .

تبي تعرف نوع التمويل اللي يناسبك؟ وهل تآخذ تمويل أو قرض. شف هالحلقة الرهيبة من لقاء "ولد السوق" وتكلمنا فيه عن التمويل :

٣. التوقيت أهم من المبلغ!

تمويل مبكر جدًا ممكن يضيّعك، ومتأخر جدًا ممكن يخليك تفوّت فرص!
في الغالب شركات التمويل بتدرس وضعك كويس وتدرس "تدفقاتك النقدية جيداً" . لا تتوقع إن فيه شركة تمويل بتعطيك مبالغ وإنت مبيعاتك "صفرية" لأنهم بيحتاجون يتحققون من سجلك الائتمانية. وكل ماكان فيه معلومات أكثر عنك وعن نشاطك تخليهم يثقون فيك وفي إنك تسدد قيمة تمويلهم بيرفعون عليك التكلفة. الحل طيب؟

ما تستعجل في التمويل، وتآخذه زي ما قلنا في النقطة الأولى، بشكل تدريجي.

مثال : تآخذ أول تمويل بمبلغ بسيط جداً، ثم وبمجرد تقدّمك في السداد والتزامك تقدم على التمويل الآخر بمبلغ أعلى، لكنه بيكون عليك بتكلفة أقل + وبمبلغ يساعدك.

وين تصرف تمويلك؟

كثير من التجار يعتقد أنه بمجرد ما يكون في وضع مالي يسمح له بالتمويل، إنه مفروض يآخذ الفلوس أو العروض. اللي لاحظته إن أهم وأبرز أماكن للتمويل هي :

• التسويق : خاصة لو كنت تعتمد على الترويج. لأنك تقدر تقيس الـ ROAS وخاصة لو حملاتك شغّاله وماكانت أول حملة لك. التمويل هنا بيساعدك بدال ما تصرف ٤ آلاف إنك تصرف ١٥ ألف ثم بعدها ترفعها لـ ٤٠ ألف. لا تآخذ تمويل عشان تعلن مع مشاهير !
• البضاعة : من أكثر الأشياء شيوعاً. وتآخذ التمويل هنا تسوي إعادة شراء لشيء ماشي ومستمر. انتبه من إنك تجيب منتج وصل لذروته أو تشتري بكميات كبيرة جداً ما سبق لك جبتها أو قدرت تتعامل معها خاصة من منتج واحد
  
• الأصول : في مشروعك أو متجرك فيه أصول معينه شراءها ممكن يقلل عليك التكاليف أو يعطيك سيطرة أكثر على الإنتاج أو العمل. هذي مفيدة لك خاصة لو تبي 

تمويل زد

اليوم الخيارات أكثر من أي وقت: من البنوك، شركات التمويل، وحتى أدوات حديثة مثل تمويل الفواتير أو غيرها. في زد، عملنا مع شركائنا شركات التمويل، وطلعنا بمنتج "تمويل زد" من لوحة التحكم تقدر تقدّم ويجيك الرد بسهولة، وبعد التوقيع تمويلك يتم تقسيطه من مبيعات متجرك !

الخلاصة: النمو فرصة، لكنه يحتاج شجاعة… وتمويل محسوب. فكّر في التمويل كفرصة للنمو، وشاورنا وبنعلّمك إذا انت جاهز أو لا.

سؤالي لك: لو جاك تمويل اليوم، فين أول مكان تستثمره في تجارتك؟