أنت أكثر ممَّا تظن

خلينا نذكرك بشيء بسيط: أنت أكثر بكثير مما تظن، لكنّك تنظر لنفسك من زاوية واحدة بس.

يمكن ما تشوف هذا الشيء بعيونك اليوم أو بكرا أو حتى بعد بكرا، لكن كل تجربة مريت فيها، كل قرار اتخذته، كل تحدي مر عليك وعديته، كل مرحلة تجاوزتها، قاعدة تصنع منك شخص أقوى، أوعى، وأنجح.

مو لازم تكون الأفضل اليوم.

ولا لازم توصل لهدفك بكرا.

يكفي إنك تتحرك، حتى لو بخطوات صغيرة.

لأن هذي الخطوات الصغيرة ما هي قليلة… هي اللي تغير كل حاجة، وتوصلك لشيء أكبر مع الوقت.

فلا تستعجل، ولا تحط نفسك في مقارنة مع أشخاص آخرين، ولا تقلل من نفسك.

لأن كل شخص له ظروفه، له حياته، له عقباته وتحدياته، والأهم ان له قدر مكتوب يختلف عن قدرك. 

أنت فيك طاقة أكبر مما تتخيل، وفيك خير ما بعد انكشف للنور.

ابدأ من اليوم، حتى لو ما كنت مستعد 100%.

لأن الحقيقة؟ محد يكون دايم مستعد تماماً، كلنا نتعلم بالطريق، وبيجي اليوم الِّي نوصل فيه لمكان كنّا نشوفه قبل مستحيل.