نشرة ميما البريدية - تحديث للعدد 10

العطاء 

العطاء مو كلمه خفيفه او بسيطه لما نقولها ، العطاء اعمق من مفهومها البسيط عندنا، كل احد خلقه ربنا في الدنيا له طريقه عطاء وطريقه لتلقي للعطاء،

منا اللي يعطي حب، واللي يعطي اهتمام، ولي يعطي مواقف، سند، هدايا، امان، طمأنينه، والقائمه تطول من العطاء بلا نهايه في الحياه..

مثل لما الأهل يعطونا الامان ويكونو اول مصدر لنا في حياتنا،

ولما الأصحاب يعطونا الثقه، ولما الحبيب يعطينا الحب، ولما المناسبه تعطينا الهدايا،

عطائاتنا دائما  تكون ثمينه مهما كبر او صغر حجمها

عطائاتنا المعنويه اهم واكبر من اي عطاء اخر ممكن نقدمه

راح نعطي بنجاحنا فخر، ونعطي  بسقوطنا صبر، ونعطي بفرحنا بهجه تشيل الدنيا من حولنا، نعطي صاحبنا لما يحزن كتف، ونعطي في رحيلنا منطقه أمان إنى بأي وقت بنكون متواجدين ولو عطينا ظهرنا

في احد منكم راقب النمله! وهي رايحه جايه تضايقنا صح ! بس وش تسوي اصلا هيا؟ تدور العطاء لأبنائها ولعشيرتها،

فما بالكم بعطاء ربنا لنا من انولدنا لليوم! عدو وأغلطو فيها ؟من وحنا بالمهد  عطانا العائله والامان، عطانا الذكاء والقدره على التعلم، عطانا الرغبه بالصراع في الدنيا عشان نوصل للي نبيه، عطانا اكثر مما تمنينا وفكرنا، عطانا انوار اخر النفق! تذكروها هذي من ابسط العطايا 

ويجي الانسان بيوم وليله يقول انا وقفت اعطي فرص، وقفت اعطي حب، وقفت اعطي حنان واهتمام! 

انت ما توقفه بداخلك بس تعزز درع الحمايه لك في الحياه، بالمقابل انت بتكون اول المهنئين واول الفخورين والمبسوطين في الدنيا لما يندق بابك ويجيك خبر حلو

عطايانا ما تنتهي لما تنتهي العلاقه او الموقف، عطايانا تنتهي لما تنتهي الرحله كامله، طول ما رحلتك ما انتهت انت بتعطي بكل ما فيك لان هذي بذرة الله في الانسان (معطاء)

ولكن قبل مانختم في وجهات نظر كثيره مختفله عن موضوع العطاء ولو تشوفها بمنظوركم بتشوفون  انها صح

زي انا ميما في مره من المرات

قالت لي صاحبتي عن هذا الموضوع واقتنعت وجداً قالت :

بس يا ميما العطاء مايكون من طرف واحد لان بيطفي عطانا وماراح يخلي عطانا شي لامع ولا راح يخلينا نستمر

واغلب العطاء له مقابل , سواء كلمه حلوه او فرحه او حتى شعور ينغرس بقلبك,  وفي منا يجازينا بعطاء مانستحقه ! وبرضو يزرع فينا خيبة امل وحزن

ف فكر بالي تعطيه ولمين تعطيه قبل ماتزرع ف داخله فرح ماينساه او حزن وخيبة امل .

خاتمتي لكم.. احيوا بذور العطاء الداخليه لديكم.. عيشوا وانشروا اجزاءكم في كل بذره ازرعوها في كل مكان او شخص، ونصيحه  بعمرك لا تكون بذوركم احزانكم الداخليه، ابلعوها واشربا عليها لتر مويه، وانتعشوا من جديد

بكل مره انتعشو  من جديد لأنفسكم طبعا

دمتم بما اطمح ان اراكم، وشكرا لكم على دعمكم ... استودعتكم الله