الكارديو

مرحبا! موضوع اليوم رح يخص الكارديو ، اسلوب تمرين اليوم يسمى 

HIIT

و هو اختصار لكلمة

High Intensity Interval training

و معناها التدريب المتواتر عالي الكثافة.. او باختصار سميه هيت

و حتفهم سبب التسمية اول ما تشوف كيف اسلوب التمرين --

هيت , هذا ماهو اسم تمرين معين .. هو مجرد اسلوب تمرين يعني تقدر تطبق اسلوب هيت و انت على جهاز السير , او دراجة , الدرج , سباحة . الخ

بكل بساطة المطلوب منك ترفع الشدة لمدة قصيرة و بعدها تكمل تمرينك بشدة منخفضة لمدة قصيرة و هكذا تتنقل بين الفترتين طوال مدة التمرين.. و بشرح لك هي بمثال ,

راح نختار دراجة لمدة 10 دقائق

الدقيقة الاولى: شدة منخفضة

الدقيقة الثانية : شدة مرتفعة

الدقيقة الثالثة: شدة منخفضة

الدقيقة الرابعة: شدة مرتفعة الخ الخ

الدقيقة العاشرة: شدة مرتفعة ----

هل يوجد اساليب مختلفة للـ هيت؟

الاجابة : نعم الاسلوب اللي شرحناه في المثال يسمى

1:1

و المقصود هو لكل دقيقة من الشدة المرتفعة يقابلها دقيقة من الشدة المنخفضة --

1:2

و المقصود هو لكل دقيقة من الشدة المرتفعة يقابلها دقيقتين من الشدة المنخفضة --

2:1

و المقصود هنا لكل دقيقتين من الشدة المرتفعة يقابلها  دقيقة من الشدة المنخفضة ----

ايش احسن طريقة من الاساليب؟

الاجابة: هي الطريقة اللي تناسب مستواك الحالي ما ينفع تروح على اسلوب اصعب من مستواك من البداية عشان لا ياثر على جهازك العصبي و يصيبك ارهاق

راح اقسمها لكم حسب المستوى

مبتدئ:  يعمل دقيقة عالي الشدة مقابل دقيقتين منخفض الشدة

متوسط: يعمل دقيقة مقابل دقيقة

متقدم: يعمل دقيقتين عالية الشدة مقابل دقيقة منخفض الشدة ----

كيف اعرف انا مستوايا اي واحد فيهم ؟

اذا انت اساسا غير رياضي و لا تلعب كورة و لا تهرول ولا تمارس اي نوع كارديو فانت مبتدئ بعد مدة اذا حسيت سهل عليك الاسلوب هذا .. انتقل للمستوى اللي بعده و جرب و لكن اللي عندهم سمنة ووزن زائد ما انصحهم يعملوا اي تمرين مرتفع الشدة غير الدراجة و المسبح ----

----

قد ايش يختصر لي من مدة تمرين الكارديو؟

الاجابة: نصف المدة لو كان نفسك تتمرن 40 دقيقة كارديو لو طبقت اسلوب هيت راح تحرق سعرات 40 دقيقة من الكارديو التقليدي في خلال 20 دقيقة بالضبط ---

ملاحظات مهمة: - الوقت المذكور في الامثلة هو للتوضيح .. يعني تقدر تخلي المدة 30 ثانية مقابل 30 ثانية مو لازم دقيقة بدقيقة و هكذا ..

انت اللي تقدر مستواك و تختار الوقت المناسب - مهم مراعاة التغذية الجيدة لان هذا النوع من التمرين يستهلك طاقة من مخازن السكر

--

انتهى --