نشرة كتبة البريدية - العدد #4 قصتي مع التردد في إظهار أعمالي

🌟 تصدق شي؟

ما أذكر صراحة إني بيوم نزلت عمل سويته على منصات التواصل أو تكلمت عنه، يمكن مرة أو 2 على إنستغرام. 🤔

طبعاً من الحين أقولك إن فعلي هذا تسويقياً خطأ 🚫 إذا كنت أبغى الانتشار وزيادة العملاء، لأن العميل يبغى يشوف نتايج شغلك وإيش قدمت. ومع ذلك، محتواي كان أغلبه تعليمي وكنت أقول فيه إني أقدم خدمات كتابة محتوى، والحمدلله جاب نتيجة على مدى هذه السنوات. ✍️💼

 يمكن إنت الحين وانت تقرأ تستوعب وتقول:🤷‍♂️

"صحيح ما قد شفت له أي عمل أو شي، بس مقالات كاتبها في مدونته وثريدات وتغريدات نصايح وتطبيقات في تويتر."

السبب؟

إني ما أحب أظهر عملي. أحب أكون خفي مثل النينجا 🥷 أدي مهمتك في جنح الليل وأختفي. تقدر تعتبرني زورو 🦸‍♂️ أساعد العميل وأنا لابس قناع، أو النمر المقنع 🐯 اللي دخل يحمي العميل من مقدم محتوى أعطاه محتوى قدمه لعشرة غيره وما حصل فيه فايدة.

😅 أعرف إنها مشكلة ولازم لها حل، واعرف إن فيه غيري يمر فيها، هي ليست متلازمة الدجال أو المحتال، هي حاجة نفسية ما أعرف إيش هي واللي يعرف وش هي ياليت يكتبها لي أو يراسلني بها.:

• يمكن ما أحب أحد يدور الزلة على اللي قدمتها؟
• يمكن عشان لا يجي أحد يعكر صفو فرحتي بقبول العميل ويقلبه لترحة؟
• يمكن لأني أكسل أرتبها وأنزلها؟
• أو يمكن أشوفها حاجة بسيطة وما تستحق النشر؟

مع ذلك، سبق الأبطال اللي اشتغلت معهم نزلوا الأعمال والناس مدحتها، لكن تظل مشكلة تحتاج إلى حل.

📚 سبق وقدمت دورة:في منصة هاوي عن كتابة المحتوى، إلى الآن ما أذكر إني تكلمت عنها في تويتر أو أشرت لها، مع إن لها سنة تقريباً.ولو تكلمت عنها، أكيد حتكون حاجة كويسة لي ولمسيرتي، لكن ما سويت شي.ومفترض الحين أحط لك رابط لها، لكن... ما أعرف ليش ما أبغى أحطه ^^". 🤷‍♂️

💡 خلاصة الكلام:تذكر أنك لست وحدك تعاني. الآخرين عندهم أمور لم تخطر على بالك، لكنهم لم يذكروها.

✍️ اعرف مشكلتك، ادرسها، وحدد بواطن ومواطن الحل والخلاص.

• بعدها عاد، بكيفك: يا تعدلها وترتقي، يا تعرفها وتتقي.

بالنسبة لي؟ عندي مشاكل كثيرة بأحاول أحلها قبل نهاية 2024 بحيث أدخل السنة الجديدة وأنا بشكل مختلف واستراتيجية وتوجه جديد. ✨🎯

💬 قبل الختام:على فكرة، فيه صندوق تقدر تكتب فيه وترد على الإيميل، وأتوقع تقدر تعطيني انطباعات وآراء.لا تستحي مني ولا شي، الوضع بسيط وفرندلي. 🙌

✌️ وبس والله، في أمان الله.

🔑 اقتباس النهاية:كنت أظن أن النجاح شيء يأتي بضربة حظ، حتى أدركت أن الحظ أحيانًا يحتاج مواعيد.ابدأ مشروعك الصغير، ربما يقف الحظ ببابك. 🚪✨

المستفاد من النشرة حسب الذكاء الاصطناعي:

صديقنا أبو ذكاء ما قصر معي بالنشرة، حط الرموز التعبيرية AKA ايموجيز وكتب فقرة المستفاد من وجهة نظره، سكرتيري ويمون وحب يفزع، لكن هذه حدود فزعته، وباقي النشرة كله محتوى أصيل

🔍 المستفاد:

• الوعي بالمشاكل: التعرف على المشكلة هو أول خطوة نحو الحل.
• التطوير الشخصي: مواجهة المشاكل قبل نهاية العام يخلق فرصة للتطور الشخصي والمهني.
• التواصل: دعوة القراء للتفاعل تعزز العلاقات وتزيد من عمق التواصل.
• تحفيز الاستمرارية: التذكير بأن الجميع يواجه تحديات، لكن المهم هو كيفية التعامل معها.