نشرة كتبة البريدية - العدد #8

يا هلا والله! كيف حالك؟ طالت الغيبة، لكن مثل ما يقولون: الغياب لا يعني النسيان، لكنه أحيانًا ضروري علشان نرجع أقوى! 💪

لو تسألني وين كنت؟ بقولك ببساطة: مشغول بالحياة. مشاريع تحتاج تركيز، فرص في السوق تستحق النظر، انشغالات خاصة تاخذ وقتها، وسفر هنا وهناك عشان الواحد يروق ويشحن طاقته. وحتكون محتوى للفترة القادمة 😌✈️

والحين؟ رمضان جانا، الجو مختلف، الأيام تاخذ طابع هادي لكنه مزدحم بطريقته الخاصة. كيف حال جدولك؟ كيف أمورك ماشية؟ هل حسّيت إن السنة بدت تركض؟ ⏳

مضى شهرين من 2024... وش سويت؟

أيوه، لا تتهرب! 😆 شهرين طاروا من السنة، فالسؤال هنا: إيش أنجزت؟ هل بدأت السنة وأنت ملتزم بأهدافك؟ ولا للحين تفكر؟

لا تقول لي "لسه باقي وقت"، لأن السنة تمشي أسرع مما تتوقع! 🚀

رمضان فرصة ذهبية إنك تعيد ترتيب أوراقك، تنظم وقتك، تشوف وين كنت وكيف تقدر تكمل باقي السنة بأفضل شكل ممكن. لأن الصراحة؟ اللي ما خطط لنفسه بيقعد يتخبط، وبيصحى نهاية السنة يقول: "كيف راحت وأنا ما سويت شيء؟!"

(هل انتبهت إني كتبت متعمد 2024) 

الجدولة.. مفتاح الراحة وسط الزحمة!

سواء كنت شخص عادي أو عندك براند شخصي، الجدولة بتكون أعظم صديق لك.كل ما كنت مجدول أمورك، كل ما عشت رمضان وأي فترة مزدحمة براحة وبدون ضغوط. 🗓️

بأحط لك مقالات بنهاية النشرة بخصوص هالموضوع

طيب كيف تفيد الجدولة؟

✅ تريحك نفسياً: لما تعرف مهامك، ما تعيش ضغط إن فيه شيء ضايع.

✅ تساعدك تلتزم: سواء جدول نومك، شغلك، رياضتك، أو حتى عباداتك.

✅ تحسن إنتاجيتك: عارف وش بتسوي ومتى، فما تضيع وقت في التفكير والتخبط.

✅ تعزز براندك الشخصي: سواء كنت كاتب، مستقل، صاحب مشروع، أو حتى موظف، الجدولة تخليك دايمًا جاهز وتظهر بمظهر المحترف.

📌 مثال بسيط:

إذا كنت تنشر محتوى، لا تنتظر كل يوم تفكر "وش أنزل اليوم؟" خطط من بدري وجدول منشوراتك. إذا عندك شغل، لا تنتظر تراكم المهام، قسم وقتك وجدول أعمالك. وإذا كنت من اللي يعاني مع رمضان، خل عندك خطة واضحة كيف تدير وقتك بين العمل، العبادات، والراحة.

الناس اللي تشتغل بدون جدول، مثل اللي يسوق سيارة بدون وجهة، في النهاية بيتعب وما بيوصل لشيء! 😅

جرب الجدولة هذا الأسبوع وقل لي وش حسيت؟

في النهاية... عندك الموضوع!

كل اللي قلته فوق؟ يبقى قرارك وش بتسوي فيه.

رمضان فرصة إنك تعيد ترتيب حياتك، فكر كيف تقدر تستفيد منه. ولو ما خططت له الحين، متى ناوي تخطط؟ مع العيد؟! 🎉😂

الحين، جا وقت الأسئلة السريعة لك:

• كيف جدولك برمضان؟
• إيش ناوي تركز عليه؟
• هل جربت الجدولة قبل؟ وكيف نفعت معك؟

لا تنسَ ترد علي، وخلنا نسولف شوي عن كيف رمضان يغير طريقة تفكيرنا وإدارتنا للوقت 📩

وبكذا، نكون وصلنا لنهاية النشرة... لكن، لا يعني إننا خلصنا السالفة! 😉

نلتقي في العدد الجاي، بإذن الله! ✨

مقالات الجدولة:

كيف تحول جدولة المحتوى براندك الشخصي إلى أيقونة نجاح

برامج جدولة المحتوى تزيد مشاهداتك ومتابعينك؟