عقلك جوعان؟

أكيد أنك شفتي ولا زلتي تشوفين بنات مبدعات بمجال الأزياء والعبايات وما يحتاج نذكر أسماء

لأنك في نفس اللحظة اللي قاعدة تقرين فيها كلامي جاء ببالك اسم بنت محددة أبهرتك بإبداعها وبتصاميمها لكن الشيء اللي ما قدرتي تعرفينه وظل يحيرك إلى هاللحظة هو:

"كيف هي مبدعة باستمرار؟وكيف أكون مثلها؟"

الجواب يكمن بالمقولة اللي بأول سطر فوق👆🏻👆🏻

الجوع دائما يقلل التركيز، ويشتت الانتباه ما تقدرين تنجزين شيء لين تتغذين وتشبعين وهذا الشبع مو شرط يكون أكل ممكن يكون تغذية بصرية

بمعنى تدخلين تتصفحين في الإنستغرام، وفي المواقع الثانية زي بنترست وتشوفين نماذج لتصاميم سووها مصممات ثانيات في هالسنة، أو في السنوات السابقة.

تشوفين الألوان وسبب اختيارها وردة فعل الناس عليها، وكيف طلع الشكل النهائي والكثير من التفاصيل الثانية اللي بتهمك وبتفرق في شكل تصاميمك.

لكن لما تكونين عازلة نفسك عن هذا العالم ما تسوين تغذية بصرية، ولا تعرفين وش ترندات السنة من ألوان وأشكال

هنا إبداعك في خطر كبييير وماراح تقدرين تنتجين تصاميم جذابة للعميلات وبالتالي ما راح يكون فيه مبيعات!

ولكذا أقولك غذي عقلك حتى لا يطفى إبداعك

وسلامتك.

نشوفك على خير في نشرة الثلاثاء القادم🔥🔥

-فريق ليب ستوري