هل التسويق بس محتوى؟

 أكيد إنك سمعتي كثيير وبالذات آخر ثلاث سنين عن أهمية المحتوى في تسويق المشاريع

وكيف أنه يساعدك في (البيع-الحصول على المشاهدات-زيادة التفاعل-زيادة المتابعين إلخ..)

بس الجزء اللي يهمك وما سمعتيه هو "ليش؟"

ليش نختار المحتوى؟ ليش ما نختار الإعلانات الممولة؟ ليش ما نختار قروبات الدعم؟

ليش ما نختار شراء المتابعين؟

بس ولا يهمك الجواب عندي

تنبيه: اللي بقوله الآن ما أقصد فيه التقليل من أي وسيلة مذكورة إنما هو توضيح للسلبيات

والإيجابيات فقط.

الإعلانات الممولة:

الإيجابيات = توصلك لفئة كبيرة وتجيب لك مشاهدات عالية.

السلبيات = تحتاجين تجربين أكثر من مرة حتى الخوارزمية تفهم جمهورك وبالتالي تحتاجين

تحطين لها ميزانية خاصة وكل ما زاد المبلغ زاد عدد المشاهدات.

قروبات الدعم:

الإيجابيات = عدد الناس داخل القروب كبير جدا فبيكون فيه فرصة كبيرة أن مقطعك يطلع

اكسبلور.

السلبيات = إذا ما دعمتيهم ما دعموك.

شراء المتابعين:

الإيجابيات = عدد متابعين كبير قدام الناس فهذا ممكن يشجع العميلة ويخليها توثق وتطلب منك.

السلبيات = يحتاج تدفعين عليه وبعد فترة وصولك راح يبدأ يقل ومشاهداتك تطيح

لأن المنصات تنتبه أن المتابعين "الوهميين" مو قاعدين يتفاعلون معك.

بينما المحتوى..

-يجيب لك نتائج مستمرة "إذا كنتي تنشرين بانتظام"

-ما يحتاج تنتظرين أحد يدعمك

-يزيد مشاهداتك وتفاعلك

-يجيب لك متابعين حقيقيين مو مجرد أصنام ما تودي ولا تجيب

وبكذا وصلنا لنهاية هذا العدد نشوفك على خير المرة الجاية

ولو عندك موضوع معين تبين نتكلم عنه أرسلي لنا رد على هذا الايميل وأبشري بعزك