كيف تبيعين كوليكشن العيد؟

بدل ما تسألين "كيف أبيع؟" اسألي "كيف باعت؟"

إي بالضبط "كيف باعت" ونقصد منافسينك، ابحثي عن اللي تُعتبر منافسة لك في التواجد بالمنطقة أو نوع الموديلات أو السعر... الخ

وراقبي كيف باعت؟ بدل ما تقولين كيف أنتِ تبيعين، ليش؟ لأن أنتِ ما سألتي إلا وأنتِ ماعندك الجواب بس منافستك عندها جواب.

طيب كيف تطبقين هالسؤال عملياً؟

✅ راقبي العبايات اللي تنباع عند غيرك: شوفي المتاجر المشهورة، وش أكثر موديلات تخلص بسرعة؟ كيف يصورونها؟ كيف يكتبون الوصف؟

✅ اسألي عميلاتك عن آخر عباية شروها: ليش اختاروها؟ من وين؟ وش اللي شدّهم فيها؟ هذي المعلومات ذهبية!

✅ جربي نفس الأسلوب وعدليه بطريقتك: إذا لاحظتي إن متجر معين يبيع كثير لأنه يستخدم عرض "عبايتين بسعر أقل"، طبقي الفكرة بطريقة تناسب متجرك.

✅ تابعي ردود الفعل على إعلانات غيرك: وش اللي يحمّس الناس ويخليهم يسألون عن العباية؟ صياغة الإعلان؟ الصور؟ توقيت الإعلان؟

💡الخلاصة:بدل ما تبدأين من الصفر وتسألين "كيف أبيع؟"، روحي للخطوة الجاهزة واسألي: "كيف باعت؟"

لأن النجاح يترك أدلة، والمبيعات ما تصير بالصدفة😉

ودنا نسمع منك وش أكثر شيء لاحظتيه يفرق في بيع العبايات ومن تجربتك؟

اكتبي تعليقك تحت النشرة 💭