الرفض… لما هو أحد أهم “أبواب الرزق” لمقدم الخدمة.

مرحبا

إذا اشتغلت كفريلانسر ( مقدم خدمة) او ريادي لفترة كافية…

لازم يأتيك يوم ما يأخذونك لمشروع.

هذا طبيعي.

مو فشل.

ولاعلامة ضعف.

او نهاية الطريق.

في زاوِية، شفت رجال ونساء…

مستقلين ممتازين…

عندهم مهارات قوية…

لكن تنهار ثقتهم أول ما يسمعون كلمة:“اخترنا شخص ثاني.”

.

الغريب؟

أكثر اللي خسروا فرص…مو لأنهم ما انقبلوا.

لكن لأنهم اختفوا أول ما انرفضوا.

إنتبه للجملة:الرفض مو “لا”.     الرفض =  “ليس الآن”.

هذي هي الحقيقة اللي يعرفها الفريلانسر

النظيف…

المحترف…

اللي يلعب لعبة طويلة…

مو قصيرة.

.

خلّني أعطيك 3 أشياء تغيّر معادلتك بالكامل:

 1) لا تشخصنها

العميل ما يرفض “هويتك”.هو يختار اللي يناسب وضعه اليوم:ميزانية…مواعيد…طاقة…أو “حبّ من أول نظرة” مع ستايل شخص آخر.

كل هذا…ليس له علاقة بجودتك.

المحترف يعرف إن الرفض جزء من اللعبة…مثل

المطر:يجي، يروح…وما يغير قيمتك.

 2) اشكر العميل بلباقة (هذه لحظة ذهبية)

كلمة شكر بسيطة:“قدّرنا وقتكم، استمتعت بالتواصل معكم، وأتمنى للمشروع النجاح.”

هذه الجملة…تبقي اسمك محترم، واضح، وصعب نسيانه.

والعميل—رجال أو امرأة—يعرف تماماً:

الناس اللي تشكر في لحظة خسارة…

هم اللي يعرفون يديرون عمل…

مو بس خدمة.

3) اعرض مساعدة بسيطة… بدون مصلحة

مو تقول: “إذا احتجتوني أنا هني.”لا.

قول:“لو احتجت رأي تقني… أو استشارة صغيرة بالمجان… أنا موجود.”

“لو واجهتوا مشكلة في التسليم… راسلوني.”

ليش؟

لأنك ما تقدم خدمة…أنت تبني علاقة.

والعلاقة هي العمل الحقيقي للفريلانسر.

هي اللي تصنع رزق شهر 3…وفرص شهر 8…وصفقات نهاية السنة.

.

الأهم :

اوقات كلمه  “لا”  ليست نهاية. هي أوضح علامة أنك قريب… مو بعيد.

الفريلانسر المحترف يعرف قيمة الباب اللي ما فتح.

يتركه نظيف.

مرتب.

ويخلي العميل مرتاح يطرق نفس الباب ولو بعد حين.

وهذا بالضبط…شغلك الحقيقي.

.

إنكم ماتبخلون بعمل لايك، والمشاركة مع اصدقائكم و أحبابكم لتعم المعرفه و نزيد من المحتوى العربي. 

نلقاكم على خير

هلال