كل شوية تعديلات – محدش واثق فيك .. نشرة سرحان البريدية - العدد #8

تكتب البوست؟ يتراجع. تعدّل؟ يتراجع. تعدّل تاني؟ لسه في "ملاحظات بسيطة كده".

تبدأ تحس إنك مش بتشتغل… إنت بتعدّي في اختبارات مستمرة، ومفيش نتيجة نهائية.

الإحساس؟

زي واحد بيرسم لوحة… وكل شوية حد يعدّي عليه يقول له: "جميلة، بس ممكن تشيل الأخضر وتحط أزرق؟ وإيه رأيك تشيل الخلفية خالص؟ طب ارسمها تاني… بس بنفس الروح."

خليني أقولك إن ده مش وهم:

دراسة بتقول إن:

ليه ده بيحصل؟

• غياب guidelines واضحة بيخلي الكل عايز يسيب بصمته
• مفيش ثقة كفاية في خبرتك ككاتب محتوى
• وكل واحد في الفريق حابب "يحسِّن" بطريقته، حتى لو معندوش خلفية حقيقية عن المحتوى

تعمل إيه؟

• اطلب feedback واضح ومركّز: "هل التعديل ده style ولا strategy؟"قبل ما تبدأ، اتفق على:

 Tone ✔️ Goal✔️ boundaries✔️ ده بيقلل اللف والدوران بعدين.

• ولو حسيت إنك بتتحاكم مش بتتطوّر، قولها بأدب: "التعديلات الكتيرة بتأثر على جودة الشغل… هل نقدر نعمل review واحد مجمع؟"

افتكر دي كويس:

"المراجعة الصح بتخلي المحتوى أقوى…  بس الشك الزايد بيخلي الكتابة أضعف."

🗓️ دي كانت النشرة رقم 8 من النشرة البريدية بتاعتنا، وافتكر دايمًا… كتير من التعديلات مش دليل ضعف في شغلك، لكن أحيانًا دليل على ضعف في السيستم حوالين شغلك.

استناني السبت الجاي في نشرة بعنوان:  "كل اللي فوق بيكتب – إنت بتنفذ" (عن تهميش دورك ككاتب، وتحويلك لأداة في إيد مدير أو عميل). ربنا يسترها علينا والله.