اللي بيقولك: العميل دايمًا عنده حق؟ كدّاب نشرة سرحان البريدية - العدد #6

أنت بتكتب… تيجي تبعت الشغل وانت متحمّس… تلاقي الرد:"مش حاسسها" أو "مش عاجبني… بس مش عارف ليه" أو الأسوأ: "اكتب 3 اوبشن علشان نختار"
إيه اللي بيحصل هنا؟العميل/المدير/صاحب المشروع غالبًا مش عارف هو عايز إيهبس حاسس إن اللي قدامه مش هو…فبيبدأ يقول أي حاجة.وأنت؟ بتدوّر في الضلمة.
المشكلة مش في إنك غلط…المشكلة إن مفيش brief واضحولا توقعات مظبوطةولا حتى هدف مفهومة أرقامه.وده بيخلي كل واحد فيكم بيكلم بلغة غير التاني.
دراسة ظريفة من [HubSpot – 2022]:"أكتر من 52% من صانعي المحتوى قالوا إنهم اضطروا يعيدوا الشغل مرتين أو تلاتة بسبب feedback مش واضح." يعني نص الشغل اللي بيرجع، بيرجع مش علشان هو وحش…بس علشان اللي طلبه مكنش واضح من الأول.طب نواجه ده إزاي؟قبل ما تشتغل، اسأل: "المحتوى ده المفروض يحقق إيه؟" لو محدش عارف، اعرف إن فيه مصيبة جاية للأسف. اسألني أنا.

حاول مع كل حاجة تعملها تبعت rationale:اشرح ليه كتبت كده، وليه الشكل ده، وليه التون ده. خلي عندك مرجعية.

لما حد يقولك "مش عاجبني"، اسأله: "إيه اللي ناقص؟ أو إيه اللي محتاج يتغيّر؟" ما تسيبهاش معلّقة.


في الآخر… لازم تفتكر:العميل عنده مشروع… بس إنت عندك رؤية. والمحتوى مش بيتعمل بالإحساس… بيتعمل بالهدف.
دي كانت النشرة رقم 6 اللي بنقول فيها اللي كتير مننا بيخاف يقوله، بس كلنا حاسين بيه.استناني السبت الجاي في موضوع: "لما شغلك يتعدل من غير ما تعرف… أو يتنشر من غير ما تشوف" (عن اختفاء دورك كمحترف في وسط ضغطات السرعة وتعدد الأيادي).