بتكتب لمين؟ والله مش عارف! - نشرة سرحان البريدية - العدد #1

وده بالضبط اللي بيحصل لما تشتغل كـ Content Writer ومحدش مديك access على

• Facebook Insights
•  LinkedIn Analytics
•  GA4
•  أو حتى Insights بتاعت Instagram Post.

🎯 المشكلة مش إنك مش فاهم الجمهور…

المشكلة إن المنصة نفسها بتقولك كل حاجة عن جمهورك، بس انت مش مسموح لك تبص.

وإنت بتمشي على كيبوردك وتكتب Caption بـ"إحساسك أو مطرقعة أيهما أقرب"، في حين إن الـ Data بتقول:

• البوستات الطويلة بتشتغل أحسن على Instagram،
• والفيديوهات القصيرة أحسن على LinkedIn،
• والجمهور بيفضل لغة خفيفة مش تكنيكل،
• والنشر الساعة 11 الصبح بيجيب أضعاف النشر بالليل.

بس محدش بيديك ده. ومحدش بيكلمك بلغة الأرقام. إنت مطلوب منك تكتب "حاجة حلوة مطرقعة كريتيف للناس"، من غير ما تشوف الناس دول مين أصلاً.

📊 مثال حقيقي:

كاتب محتوى في SaaS startup كان بيكتب بوستات LinkedIn بتجيب 100 - 200 reach. بعد ما خد access بسيط على الـ insights، اكتشف إن الجمهور:

• أغلبه technical،
• بيحب bullet points،
• وأكتر بوست جاب تفاعل كان فيه infographic صغيرة.

عدّل الطريقة، وابتدى يستخدم الأرقام… وفي خلال شهرين، البوستات جابت +10K reach بمحتوى ومجهود أقل. ليه؟ لأنه كتب للناس اللي شافهم مش خمنهم.

فإيه المفروض يحصل؟

مش تروح تعمل user interviews، ولا تدخل Reddit تشوف الناس بتشتكي من إيه، ولو إن ده كويس برضو بس فكرة جوه الصندوق الأول.  ببساطة:

اطلب access.

• لو بتكتب لـ LinkedIn، اطلب تبقى Admin أو Analyst على الصفحة.
• لو بتكتب لـ Instagram، اطلب ال access من ال social media manager.
• لو بتكتب إيميلات، لازم تشوف الـ open rate بنفسك.
• لو بتكتب Landing Page، اطلب أرقام الـ scroll depth أو الـ bounce rate.

💡 الخلاصة:

الـ Content Writer اللي مش شايف الـ Insights شبه الطباخ اللي بيطبخ… من غير ما يدوّق. ممكن شكل الأكل يبقى لطيف بس الطعم ماسخ ومحدش بيحب يأكل أكل ماسخ طبعًا.

وكلامي مش على الأكل 😅فالحل إنك تزن وتطلب بشكل صريح ورسمي إنك عاوز access وإلا الوضع هيبقى دينجرس.

دي كانت أول نشرة من نشرتنا الأسبوعية اللي بتتكلم بصوت كُتّاب المحتوى الميد ليفل❤️.

استناني السبت الجاي في موضوع جديد، اشترك وخلي السبت ٤ العصر معادك مع الكلام اللي بيحس بيك ✍️