الأُخت الكبيرة | للأُخت الكبيرة الأُخت الكبيرة | للأُخت الكبيرة

يا عيد كل الأعياد ، أنتِ.

#العدد 4 عرض في المتصفح
مين قال اننا نشرة رسمية وما نغازلكم ؟ 

يااا هلا والله وسهلا

عيدك سعيد وكل عام بخير ! هذه نشرة العيد اللي تجي قبل العيد بساعات لاننا بنكون نتجهز للعيد زيكم.

نشرة سريعة ولطيفة وحلوووة ، نشحن فيها طاقتك لعيد داخلي سعيد جوا قلبك وعيد خارجي اسعد مع اللي تحبينهم.

اول شييي قولونا جاهزين للعيد او لسه ؟ ملابس ؟ ميك اب؟ بخور ؟ بجامة ؟ ترويشة عروسة ؟ صايرين حلوات بزيادة مع روتين العناية او حلوات من دون اصلا ؟

ثانيا حمدلله اللي بلغنا رمضان ، ويارب يعيده علينا السنين الجاية بشكل افضل ونخرج منه بنسخة نقية من نفوسنا الى نسخة اخف والطف نحبها اكثر.

بسم الله من وين نبدأ ؟

  • بنتكلم عن عناية ما قبل العيد بيوم ، وش تسوين وايش تنتبهههين تسوينه..
  • بقابل ناس كثير كيف اكون مرتاحة ومبسوطة ؟
  • ختامية اول يوم وافضل طريقة انام بعدها نومة مريحة عميقة ..

هذه سوالف من اخت كبيرة لأخت كبيرة ثانية ، بحكم التجربة والمعرفة الطويلة الامد

نجي حق قبل ليلة العيد وافضل شي تسوينه فيها من بدرررري هي هذه الحاجات

  • تنظيف بشرة الوجه :
  • استخدمي اي ماسك منظف عميق عندك ( ماسك فحم ، ماسك طين ، وغيرها من انواع الماسكات المنظفه )
  • بعدها لو كنتي من النوع اللي يشيل الشعر الوبري بالوجه ف هذا افضل وقت ، استخدمي اي طريقة تحبينها لتنظيف الوجه ، انا افضل موس فلامينجو ما عمره خذلني صراحة ، اهم شي استخدم معاه جل بارد علشان ما يجرح بشرتي
  • بعدها رطبي وجهك وكملي يومك عادي

اهم شي قبل العيد هو انك ما تغامرين تجربين منتجات جديدة ، ليه ؟ علشان نمنع اي تغير ممكن يخرب البشرة احتياطا ، نخلي التجارب بعد العيد احسن

طيب خلصنا من الوجه ، باقي الجسم ؟ ترويشة عرووووووسه .. ايش يعني ترويشة عروسة ؟

هذا مصطلح اخترعناه انا وصاحباتي ونقصد فيه الترويشة العميقة اللي تنظفين فيها حتى قلبك ، تتضمن تقشير ، او حمام مغربي او سكرب وصابونيات ودنيا ، وبعدين تنظفين جسمك من كل الشعر بأي طريقة تفضلينها داخل الشاور ، وبعدها فقرة الترطيب ، رطبي كل جسمك من كل قلبك واتركيه يمتصه شوي وبعدها البسي ملابسك 

حاجات تنتبهين عليها بهذه الفقرة : لا تجرحين جلدك بالتقشير القوي ، التقشير بالسكرب وجسمك مبلل مرة افضل.

لو تستخدمين الموس لشعر الجسم ، خذي بلسم او شامبو وحطيه على جسمك وبعدها استخدمي الموس علشان يصير فيه طبقة على بشرتك ما تتجرح لان المويه مو كفاية. 

____________________________________________________________

خلال هذه الفقرات كلها يمكن تركيزك يكون رايح لمكان ثاني ويمر الوقت وتخلصين وتحسين انه في شي ناقص او حاجة ما كملت ، او حتى ما تنتبهين. عنايتك بنفسك خارجيا تعزز كثير من حبك لنفسك و وما يمنع انك انتي برضو تزيدين مستوى هذا الحب وتلتفتين لنفسك داخليا بطريقة بسيطة.. 

كلامك مع نفسك داخليا خلال هذه الاوقات مهم وبيكون الطف واحلى لو سمعتي نفسك كلام حلو، بقترح عليك بعض العبارات اللي ترددينها بينك وبين نفسك وقت ما تسوين هذه الحاجات. 

- جربي بكل مرة تمرين قدام المراية تطالعين نفسك بنظرة حنونة تقولين خلالها انك تحبين نفسك ، وتسمعين لها ، وانك مرة حلوه بكل شي فيها وانك تستحقين عيد سعيد وفرحة كبيرة. 

- بأي وقت خلال اليوم جربي تكررين هذه العبارة لنفسك " انا استقبل هذا العيد بكل المشاعر الطيبة المليانة حب وفرحة " 

ليه نقول هذه العبارات ؟ لاننا بكل بساطة نغوص في يومنا ويعدي الوقت والمواقف وننسى نحس مزبوط بمشاعرنا ، ف هي تعتبر تذكير واعادة تركيز على مشاعرنا بدل ما نهملها ، وكمان نعزز من احساسنا بالمشاعر الحلوة قد ما نقدر. 

____________________________________________________________

بقابل ناس كثير ، كيف أكون مرتاحة ومبسوطة ؟ 

طيب هنا خل نسولف بشكل واقعي ، مو كل الاعياد ولا كل الجمعات فيها ناس دايما لطيفة. انا بقولك المختصر المفيد ، من قبل تخرجين بوقت وانتي تجهزين نفسك..

خليك مركزة على نفسك وعلى فرحتك انتي وبس ، البسي اللي تحبينه ، اكشخي بالشكل اللي يعجبك ، واي فكرة مزعجة تراودك اسحبي عليها زي مثلا ( ايش بيقولون ، شايله هم الناس ، ايش بيفكرون ، ايش راح اسوي للناس ، ايش يعجبهم ) مو مهم هذا كله ، حرفيا مو مهم وطز بعد. 

انتي الوحيدة المهمة ، واللي تحبينهم ويحبونك. روحي انبسطي وحسي بالعيد ، خليك مرتاحة بينك وبين نفسك وثقتك عالية بأنك اخترتي وسويتي الشي اللي يعجبك ويريحك، وارجعي بعدها بيتكم وانتي مبسووطة بإذن الله.

لان لو ركزتي على ازعاجات غيرك ، بتكونين خربتي على نفسك احاسيس حلوه نسيتي تركزين عليها. 

___________________________________________________________ 

ختامية اول يوم وافضل طريقة انام بعدها نومة مريحة عميقة ! 

سواء كان عيدكم صباح او ليل او حتى صباح وليل. حاجة بتشكريني عليها للابد لما تجربينها. 

وهي شاور بااااارد. " برودة محتملة تقدرين عليها "

تدخلين جسمك  تحت الموية الباردة ، والهدف مو بس انك تتنظفين ، الهدف الاهم هو انه يصير هذا الشاور كأنه يغسل داخلك ويبرد على قلبك ويشيل معاه اي ارهاق وتعب. بتلاقين عضلاتك استرخت بعدها وجسمك صار اخف ومرتاح اكثر ، وحتى انك بتلاقين نفسك كأنك شايله من نفسك حمل وتخلصتي منه. 

وقت تحطين راسك على المخدة ، حاولي تسترجعين الاوقات الحلوة اللي كانت بيومك ، انبسطي فيها ، حطي يدك على قلبك وعيشي شعورها مرة ثانية. 

بعدها بتنامين احلى نومة ان شاء الله .. 

لهنا نكون خلصنا نشرة العيد ، حاولت قد ما اقدر فيها اشارك معاكم حاجات لطيفة مهمة تمنيت لو انا عرفتها من بدري زمان. 

عيدك سعيد ، يا كل العيد انتِ. << قوليها لنفسك صباحية العيد 

نشوفكم بالنشرة الجاية ان شاء الله ، اتمنى لكم فرحة طويلة ، وعيديات كثيييييرة 


شارك العدد
أيقونة البريد الإلكتروني البريد الإلكتروني أيقونة تويتر تويتر أيقونة فيسبوك فيسبوك
الأُخت الكبيرة | للأُخت الكبيرة

الأُخت الكبيرة | للأُخت الكبيرة

نشرة اسبوعية مجانية توصلك على الايميل ، سأكون فيها اختك الكبيرة اللي تدلك وقت ما تضيعين او ماتعرفين ايش تسوين وكيف تتصرفين وكيف تتعلمين تكونين ارهب اخت كبيرة لنفسك اولا ثم لمن حولك. لان كل اخت كبيرة تحتاج يكون عندها اخت كبيرة ثانية تعلمها الحياة 🤍