التخطيط الأسبوعي | ميكانيكي بني آدمين - العدد #20

بواسطة Walid Taha #العدد 20 عرض في المتصفح
التخطيط وبناء العادات ليهم دور كبير في تحقيق أهدافك وهيبعدوك عن أكبر أعدائك اللي هما التفكير الزائد والتسويف، وهدف التخطيط مش إنك تدير وقتك ولكن هدفه إنك تدير نفسك.

وعلشان تعرف تخطط كويس لازم تلتزم بـ10 نقاط:

1- التجهيز بدري:

التخطيط المسبق هو أفضل أسلوب لإدارة نفسك ف أفضل حاجة تعملها إنك تخطط للأسبوع من الأسبوع اللي قبله، وكذلك الأمر تخطط لليوم من اليوم اللي قبله؛ علشان لما تبدأ يومك تبدأه وأنت عارف هتعمل أيه ف بالك هيكون مرتاح.

التخطيط الأسبوعي

التخطيط الأسبوعي

 لما تيجي تحط مهامك ركز على نقطتين مهمين: _خليك واقعي في مهامك يعني لا تُبالغ فيها._مش لازم كل حاجة تكتبها أكتب الحاجات اللي ليها أولوية فقط وعايز تركز عليها.

2- الجدولة:

بعد ما تكتب المهام بتاعتك ابدأ وزع المهام التانيه (اجتماع جديد / مشروع جديد / مشوار مهم) على أيام الأسبوع اللي هيا الحاجات اللي ليها أولوية خلال الأسبوع.

3- سيب مساحة بين المهام:

طبيعي جداً خلال الأسبوع أو يومك تحصل أشياء مفاجأة ما كنتش مخطط ليها، فلازم تخلي في وقت فاضي بحيث يكون بديل لو حصل شيء. 

4- أهداف الأسبوع:

عادي جداً يكون عندك مهام قليلة تشتغل عليها يعني مثلا ثلاث مهام، فحاول ما تكترش من مهامك اليومية علشان ما تجهدش نفسك وتقدر تكمل بقية اليوم؛ لأن البساطة عامل مهم جداً في الالتزام والانضباط.

6- قيّم نفسك:

ضروري جداً آخر الأسبوع تقيّم نفسك؛ لأن أنت لما تقيّم نفسك بتكون عارف أيه الأخطاء اللي وقعت فيها وبالتالي تبدأ تتجنبها بعدين، وكمان تقيس تقدمك علشان تعرف في تحسن عندك ولا لاء.

7- ظبط نفسيتك:

نظرتك للتخطيط بنظرة سطحية بيخليك تتجاهل حاجات تانيه جنب التخطيط والحاجات دي لها دور كبير في الاستمراريه زي (فترات الراحة / وقت العيلة / والرياضة / إلخ)؛ علشان ما توصلش لحالة الإرهاق بسرعة وكمان تكون باني مجموعة إجراءات مرتبطة ببعضها ومتماسكة وكل إجراء يدفعك للي بعديه.

8- حدد أولوياتك:

بعد ما كتبت مهامك وعملت خطة بديله ابدأ في تحديد أولوياتك اللي هي المهام المهمة وليها اولويه ومحتاج تخلصها في أسرع وقت؛ لأن 20% من مهامك اليوميه ممكن يخلص 80% من باقي المهام، فحدد أيه المهام اللي هتساعدك في ال 20%.

9- أخطاء الأسبوع:

كل أسبوع راجع كل الحاجات اللي عطلتك، شوف أيه الأسباب اللي منعتك عن إنجاز المهام ولو نفس السبب أتكرر في كل أسبوع ف لازم تلغي مصدر السبب ده أو تقلل من تفاعلك معاه؛ لأن لو ما تعلمتش من أخطائك هتعطل كثير في الأسبوع.

10- التدوين اليومي:

خصص ليك 10 دقائق أو 15 دقيقة تكتب فيهم عن يومك ومشاعرك وأيه الأحداث اللي حصلت معاك واتعاملت معاها إزاي؛ لأنك من خلال التدوين:

  • هيساعدك في تخطيط الأسبوع.
  • هيكون تحديث مستمر لكل حاجة بتعملها.
  • ملخص ليومك.
  • هترتب أفكارك.

وبس كدا دي كانت 10 نقاط مهمين يساعدوك في تخطيط يومك.

الكلام دي من تلخيص حلقة "تنظيم وإدارة الوقت بفاعلية | التخطيط الأسبوعي".

حلقة مهمة قوي ولازم تشوفها.

تلخيص الحلقة: Abdullah Ahmed

تابعوا بوستاته على الجروب بتاعنا: أحسن من امبارح

ومتنسوش تشيروا النشرة مع غيركوا.

يومك فُل!

* * *

تحديث مهم:

دلوقتي بقى فيه ٣ قنوات:

- Walid Taha: طبعا عارفينها.

وهم الدش البارد

وهم الدش البارد

- جيكنولدج: قناة خاصة بالموضوعات التاريخية والعملية والفضاء وكل حاجة معرفية (بس علم بجد).

البروباجاندا

البروباجاندا

- Knowledge Party: قناة جديدة "بالإنجليزي" وبرضه خاصة بالموضوعات التاريخية والعملية والفضاء وكل حاجة معرفية (بس علم بجد)، والحلقات بتاعتها مختلفة عن Geeknowledge خالص، حتى في طريقة إنتاج الحلقات.

Who/What caused World War I? - YouTube

Who/What caused World War I? - YouTube

أشوفكوا على خير،

Welsh

Walid TahaJamal Elshazly2 أعجبهم العدد
مشاركة
ميكانيكي بني آدمين

ميكانيكي بني آدمين

نشرة ميكانيكي بني آدمين، نشرة أسبوعية بشارك فيها حصاد الأسبوع مع أفكار أو كتب أو موضوعات جديدة تنفعكوا وتساعد في تغيير نظرتكوا في حاجات كتير، وكمان عشان تبقى مرجع ليكوا في المستقبل. متنسوش تشتركوا وتعملوا شير عشان توصل لعدد أكبر. وليد طه ويلش

التعليقات

جارٍ جلب التعليقات ...

المزيد من ميكانيكي بني آدمين