ميكانيكي بني آدمين - العدد #17 | We cannot be silent or silenced

دخول مفاجئ وعودة لنشرة ميكانيكي بني آدمين، اللي انقطعت عنها بقالي فترة، بسبب ظروف صحية وشغل ووفاة والدي.

لكن حسيت أن كل اللي بيحصل حواليا الأيام دي، فرصة عشان أرجع أتكلم معاكوا تاني، وكمان لأن فيه كذا تحديث ممكن يهموكوا.

أول تحديث أني عملت سلسلة لتعليم الـ SEO أو تقدر تسميه كورس.

نشرت منه ٣ حلقات ومكملتش لظروف متعلقة بالشغل، لكن شغال على إعداد الحلقات وتجيزها، وهنشرها بداية من أخر شهر نوفنبر.

تاني تحديث: القناة تعدت الـ٣٠٠ ألف مشترك وداخلين على ٤٠٠ ألف، يمكن أوصلهم على أخر السنة.

تالت تحديث: رخم شوية، وكتبته على تويتر امبارح، ياريت تقراه.

الأهم بقى من كل ده... أن قنواتي وكل حسابات السوشيال ميديا مش هتبطل كلام عن القضية ولو يوم بعد كده لأي سبب.

وعملت فعلا فيديو مخصوص بيحكي الحكاية من أولها بالإنجليزي

TO THE WORLD

وموجود على يوتويب لو بتفضل تتفرج هناك

أتمنى تنشروه وتوصلوه للناس اللي لسه مش مقتنعين باللي بيحصل.

وعلى قناة وليد طه، نشرت فيديو جديد من كام يوم، تقدر تعتبره دعم نفسي للناس اللي تأثروا باللي بيحصل ومش عارفين يرجعوا يشتغلوا

فلو بتمر بالحالة دي... ياريت تشوفه.

وقبله على طول نشرت فيديو اسمه "صفات الفاشلين"

وطبعا اتلكمت عن الأحداث لما كانت في أولها.

وده كان سبب أساسي في أن عملا يسيبوني وداعمين يبعدوا عن القناة وشوية حاجات كتير كده حصلت خلال الأسبوعين اللي فاتوا.

وزي ما هتقرا على بوست تويتر أو X أنا مش طالب منك أي حاجة إلا أنك توصل المحتوى لغيرك وتتفاعل معاه "لو عجبك".

وبس كده،

OVER & OUT