نشرة Walid Taha البريدية - العدد #1 |
| 15 نوفمبر 2021 • بواسطة Walid Taha • #العدد 1 • عرض في المتصفح |
|
صباحكوا فُل ومساءكوا أحلى!
|
|
|
|
تأخرت عليكوا! أنا عارف، بس الفترة اللي فاتت كانت مليانة حاجات كتير قوي، شغل وحلقات القناة وتجهيز الموقع (هو موجود وشغال، بس كنت بعمل خطة للمحتوى). |
|
|
المهم، نشرة النهاردة طالعة من مكان مختلف، وهي منصة #هدهد، والحقيقة أنا مش مصدق أن فيه منصة عربية خاصة بالنشرات وبالجمال ده. طبعاً المنصات الأجنبية حلوة قوي وإمكانياتها عالية، بس ما زالت مبتدعمش اللغة العربية بالشكل الكافي، لذلك تجربة المستخدم بالنسبة لي مكانتش كافية خالص. |
|
عشان كده... إن شاء الله هنبدأ إرسال النشرات من خلال "هدهد"، واللي بالمناسبة "اسم الشهرة بتاعي لغاية ما وصلت تقريبا 30 سنة، وطبعاً كان بسبب فيلم "كابوريا". |
نشرت... |
|
كذا حلقة جديدة حلوين قوي، ولو متفرجتش عليهم لسه، يبقى لازم تروح حالاً وتشوفهم، لأن رد فعل الناس عليهم بيقول كل حاجة والله، اللي هو فعلا كتير قوي استفادوا منهم، والتعليقات عظيمة. |
|
ده لينك القناة عشان لو لسه مش مشترك أو متعرفهاش... 🤔 |
|
https://www.youtube.com/c/WalidTaha |
Walid Taha - YouTube
قم بزيارة القناة
www.youtube.com
|
|
قرأت... |
|
الأيام اللي فاتت دي بقرأ كتاب حلو قوي (للمرة التانية) |
|
الكتاب اسمه DON'T MAKE ME THINK |
|
الكتاب مفيد قوي لأي حد بيشتغل تصميم أو ديجيتال ماركتنج، ومن غير مبالغة، أي حاجة ليها إبداعية! |
|
لينك الكتاب https://amzn.to/30lGpTN |
|
كتبت... |
|
عشان أؤكدلك أن الوقت بيجري أسرع ما تتخيل وكل ساعة بتظهر حاجة جديدة هتغير مستقبلنا، من كام سنة كتبت "الأمية هتبقى أمية برمجة" والنهاردة فيه وظايف متتخيلهاش بيكتبوا في إعلاناتها "معرفة بلغة برمجة معينة"، ووقتها قولت برضه أن البيانات هي المستقبل، والنهاردة كل مجال تقريبا بيعتمد على علوم البيانات بشكل ما. |
|
ومن ٦ ساعات بالظبط قولتلك أن البلوك تشين جزء من مستقبلنا برضه، وهيبقى واجب عليك "تعرفها على الأقل"، مش هقولك ابقى متخصص فيها حتى. |
|
ودلوقتي بقولك لازم تبقى جزء من الميتافيرس، عشان كل المجالات دي ومجالات تانية وحتى مجالات جديدة هتظهر وهتبقى جزء منه. |
|
طيب وفين التأكيد برضه؟ |
|
فيه شركات دلوقتي بدأت تعلن عن وظايف خاصة بتطوير الميتافيرس وفيه مواقع خاصة بوظايف متعلقة بتطوير الميتافيرس. |
|
حد على يوتيوب كتبلي تعليق قصير بس مهم يترد عليه "فيه حاجات كتير قوي محتاجين نتعلمها، هو كده مش ضغط؟". |
|
الحقيقة أيوه كده ضغط، بس هي الحياة إيه إلا ضغط وتعب وكفاح ومحاولة وتجربة؟ |
|
مش لازم تتعلم كل حاجة جديدة، اعرفهم وتخصص في حاجة. |
|
وهعمل كذا فيديو عن ميتافيرس "عشان فيه معلومات مغلوطة كتير" وهيبقى جزء من سلسلة Geeknowledge. |
|
#geeknowledge |
|
ودي كانت نهاية نشرتنا السريعة النهاردة، متنساش تعملها شير مع أصحابك وتخليهم يشتركوا فيها، عشان يوصلهم نشرة زي دي كل أسبوع، ويمكن أقل... محدش عارف. |
|
|
IF YOU GET TIRED, LEARN HOW TO REST... NOT TO QUIT! لو في يوم حسيت بتعب أو إرهاق... اتعلم "تستريح" مش تستسلم! |
|
|
OVER & OUT |
|
WALID TAHA |
ميكانيكي بني آدمين
نشرة ميكانيكي بني آدمين، نشرة أسبوعية بشارك فيها حصاد الأسبوع مع أفكار أو كتب أو موضوعات جديدة تنفعكوا وتساعد في تغيير نظرتكوا في حاجات كتير، وكمان عشان تبقى مرجع ليكوا في المستقبل. متنسوش تشتركوا وتعملوا شير عشان توصل لعدد أكبر. وليد طه ويلش
التعليقات