اثبت مكانك! | ميكانيكي بني آدمين - العدد #15

بواسطة Walid Taha #العدد 15 عرض في المتصفح
مش هتصدق أنك بتقرا الكلام ده عندي!

عشان دايما بقول "اتحرك لقدام كل يوم"، بس في بعض الأوقات المحافظة على اللي أنت فيه من مكاسب، مهما كانت قليلة... حاجة إيجابية جدا، وتعتبر خطوة لقدام!

زي الحرب كده... حافظ على مكاسبك النهاردة واستعد وخطط كويس وكمل بكرة.

خصوصًا في أوقات الأزمات.

قصة وأدوات مهمة لكل كاتب أو متخصص SEO!

حد من التيم سألني على أداة بتتعرف على اللينكات الـNoFollow، وأنا فاكر أني عامل محتوى عنها، بس مش فاكر خالص نشرته فين.

النهاردة زميلتي سألتني تاني على أداة بتعرفك إذا كان الإيميل اللي بعته اتفتح ولا لأ...وافتكرت بسبب السؤال ده الفيديو اللي عملته!

لو بتعمل محتوى تعليمي وفيه قيمة حقيقية هيوصل يعني هيوصل، متستعجلش وتستسلمش وتقول مفيش فايدة ومحدش بيدور على المحتوى المفيد.

دي طبيعة البني آدم... مبيدورش على حاجة "يستفيد منها" إلا ما يكون محتاجها، ووقتها لازم تكون أنت موجود في نتايج البحث.

افتكر أن المحتوى بيوصل للي محتاجه!

الطبيعي أنك لو محققتش مشاهدات أو أرباح في الأول، هتضايق وتحبط.

بس المحتوى الـEvergreen مختلف تمامًا عن محتوى إزاي عملت مليون جنيه في 3 أيام!

الأول بيعلمك حاجة تبني بيها أساس... والتاني بيستغلك وبيضيع وقتك، وهيكسب النهاردة، بس بكرة هيبقى مالوش لزمة.

اتك على الصبر!

#Shortsحاجة مهمة قوي كلنا بننساها ومبنفكرش في أهميتها.الصبر هو التطبيق الحقيقي للاستمرارية".وليد طهتابعوني على تيكتوكhttps://vm.tiktok.com/ZSJaPrNyG/
youtube.com

ماتنساش توصل النشرة لغيرك ولو مش مشترك... اشترك!

OVER & OUT!

Walid Tahaممدوح نجمAbdo Baher3 أعجبهم العدد
مشاركة
ميكانيكي بني آدمين

ميكانيكي بني آدمين

نشرة ميكانيكي بني آدمين، نشرة أسبوعية بشارك فيها حصاد الأسبوع مع أفكار أو كتب أو موضوعات جديدة تنفعكوا وتساعد في تغيير نظرتكوا في حاجات كتير، وكمان عشان تبقى مرجع ليكوا في المستقبل. متنسوش تشتركوا وتعملوا شير عشان توصل لعدد أكبر. وليد طه ويلش

المزيد من ميكانيكي بني آدمين