بتزهق بسرعة؟ حلك عندي | ميكانيكي بني آدمين - العدد #12

بواسطة Walid Taha #العدد 12 عرض في المتصفح
بس الإجابة مش هتعجبك!

 بتزهق لأنك "معندكش مساحة للزهق" ومخك دايما مشغول وقدامك اختيارات كتير وقراراتك أقل.أيوه بالظبط... لو إديت نفسك فرصة للملل الحقيقي، من غير تليفون وSM وجيمنج طول النهار، هتبدأ تعالج أكبر مشكلة كل الناس بيعانوا منها النهاردة.

نشرة ميكانيكي بني آدمين | وليد طه

نشرة ميكانيكي بني آدمين | وليد طه

الحقيقة هما مشكلتين ولازم تحلهم بأي تمن، وده طبعا في حالة لو عايز تحقق وتعمل حاجة كويسة في حياتك.

الأولى هو علاج الـ Short attention span اللي عندك، واللي سببها الفيديوهات القصيرة وبوستات البوب ساي.بأنك تبعد عنها تمامًا وتبدأ تتفرج على وثائقيات وتقرا كتب حقيقية.

التانية هي الـFOMO لا لا مش الهومو.. الفومو!😅اختصار لـ Fear of missing out... يعني إيه؟يعني خوفك الدايم من أنك متلحقش كورس أو معلومة أو فيلم أو لعبة أو جهاز جديد أو أي حاجة شايفها مميزة لأن مؤثر قالك لازم تستخدمها وعشان تبقى زيه!

يعني إيه نجاح | وليد طه

يعني إيه نجاح | وليد طه

الحل؟

الأول، ليه دي مشكلة أصلًا؟!

لأنها هتحط ضغط عليك، وهتحسسك أنك متأخر عن الناس ومش قادر تبقى زي الناجحين اللي شايفهم، واللي نجاحهم يتلخص في سفرية وجهاز جديد وكام متابع ولا شوية أكل مليانين جبنة ونوتيلا وبياكلوهم وهما بيقولوا حاجات زي بتدوب في روحك وحاجة أخر مرئعة.

تخلص من إدمان الشاشة

تخلص من إدمان الشاشة

والنتيجة أنك هتبقى زي اللي دايما جعان ومفيش أي حاجة مشبعاه وأوقات كتير مبيعرفش ياخد قرار حاسم في مواقفه، ولو ضيفنا أول مشكلة مع دي، يبقى هيسيب اللي في إيده،قبل ما يخلصه، ويروح يبدأ في حاجة تانية خالص... وده هيؤدي لتشتت وضياع ومعرفة سطحية وعدم نتيجة حقيقية.

حقق أهداف السنة الجديدة

حقق أهداف السنة الجديدة

الحل أنك تقلل الاختيارات اللي حواليك، متحفظش بوستات كتير، ولو حفظت بوست وتاني يوم لقيت واحد غيره، يا تخلص اللي حفظته يا تعمله Delete وتبدأ في بتاع النهاردة.ابدأ في كورس واحد بس.قلل تفاعلك مع المؤثرين اللي دايما مسافرين ولابسين وواكلين وشايلين أخر حاجة.

تنظيم الوقت

تنظيم الوقت

حلك أنك ترجع للبساطة شوية، وقت شاشة أقل،مش لازم دماغك تكون مشغولة طول الوقت،اختيارات أقل في كل حاجة تقريبا، وممكن تبدأ بشعرك ولبسك وأكلك وأوضتك.بلاش تشتري 5 كتب، هو كتاب واحد وخلصه.من الأخر... قلل خيارات وكتر قرارات.وشوف سلسلة #أحسن_من_امبارح على القناة.

لازم تتخلص منهم!

لازم تتخلص منهم!


Welsh

 OVER & OUT!

متنساش تشترك في النشرة... صباح الفل!

مشاركة
ميكانيكي بني آدمين

ميكانيكي بني آدمين

نشرة ميكانيكي بني آدمين، نشرة أسبوعية بشارك فيها حصاد الأسبوع مع أفكار أو كتب أو موضوعات جديدة تنفعكوا وتساعد في تغيير نظرتكوا في حاجات كتير، وكمان عشان تبقى مرجع ليكوا في المستقبل. متنسوش تشتركوا وتعملوا شير عشان توصل لعدد أكبر. وليد طه ويلش

المزيد من ميكانيكي بني آدمين