كيف تسوّق مشروعك بدون ما تعتمد على السوشال ميديا؟

في وقت الكل فيه يتكلم عن تيك توك والريلز والـUGC، كثير من أصحاب المشاريع يسألون:

هل ممكن أنجح بدون إنستقرام؟

هل ضروري أصور كل يوم عشان الناس تعرفني؟

هل وجودي الرقمي هو الشيء الوحيد اللي يهم؟

الجواب: بإختصار في هذا العدد.

السوشال ميديا أداة قوية لكنها مو الطريقة الوحيدة للتسويق (ولا شلون مكتبة جرير هي جرير اليوم)!

وبعيد عن العلامات التجارية الكبيرة بعمرها، في مشاريع نجحت وانتشرت بدون ولا حساب نشط، لأن كان عندها أساس تسويقي ذكي وبدائل قوية.

الفكرة الرئيسية:

التسويق الحقيقي يبدأ من "التجربة"، مو من البوست.

السوشال ميديا "تسهل الوصول"، لكنها ما تخلق القيمة من لا شيء.

إذا كان مشروعك واضح، خدمتك ممتازة، وتجربتك مختلفة، راح تنتشر ولو ما نزلت ولا منشور.

طرق تسويقية بدون سوشال ميديا:

1. الموقع الجغرافي الذكي: اختر موقع يجيب لك مشاة، حركة طبيعية، أو يكون جزء من مكان أكبر (مول، مكتب، مجمع)، الموقع الجيد يشتغل كإعلان يومي بدون ما تدفع ريال.
2. قوقل ماب والتقييمات: وجودك في قوقل ماب، مع صور واضحة وتقييمات حقيقية، (أهم من 10 منشورات أحيانًا).
3. بطاقات مطبوعة + QR داخل المحل: خل الزوار يسوقون لك، اعرض مزايا، خذ آراءهم، شاركهم عروض (سوو شيء بسيط) (مثل تقييم، أو إعادة زيارة).
4. الشراكات الذكية: تعاون مع جهة قريبة منك، خصم مشترك، منتج مشترك، أو حملة بسيطة.
5. التسويق بالتجربة: إذا كانت زيارتك أو خدمتك مميزة، العميل نفسه راح يكون وسيلة تسويق: يصور، يتكلم، أو يرجع ومعه ناس.

تنبيه مهم:

في مشاريع تم بناءها في عصرنا الجديد على شكل وقوانين السوشال ميديا (صار الإعتماد على المنصات أكثر من المكان) مثل المطاعم والمقاهي السحابية والمتاجر الإلكترونية، وهذا ما يعني مافي أفكار لتسويق هذي المشاريع بدون سوشال ميديا لكنها تعتمد بشكل كبير عليها.

والخطر الحقيقي هي فكرة (ان تكون كتاجر لا تملك حسابك على انستقرام او تيك توك او اكس) المنصة هي من تملكه وانت مستأجر، حتى لو كانت المنصة مجانية انت مستأجر مقابل أن تشاهد اعلانات وتربح المنصة أو تربح من خلال بياناتك.

ومن هذا المثال (أنت أيضًا مستأجر للعقار!) وفي حالة اخرى (أن تملك العقار) أنت في رهن زيارة أشخاص جدد للمنطة، وهل هي منطقة حيوية دائمًا او "لعنة ترند منصات التواصل" يأخذ العملاء من منطقتك إلى منطقة اخرى لتعود وتستلم إلى فكرة استخدام منصات التواصل كأداة رئيسية للتسويق؟.

هون عليك من هذا كله أنت تملك علامتك التجارية وهذا هو الأهم (سوق للعلامة لا للمكان ولا المنصة)

إلى هنا نختم العدد الثاني من نشرة لهيب 👋

إذا عجبك، شاركه مع شخص ممكن يستفيد منه، وتأكد أنك مشترك عشان يوصلك العدد الجاي على الايميل 😉

نشوفك العدد الجاي من نشرة لهيب