خذ دلّهم ولا رح وخلّهم

يقولون: “خذ دلّهم ولا رح وخلّهم”

يعني إذا شفت اللي حولك ضايعين أو تايهين لا تتركهم وتكمل طريقك كأنك ما شفتهم 😳

دلّهم، وجّههم، حتى لو كنت أنت لسى تتعلم ترى 🫰🏻

المبدأ هذا ينطبق تمامًا على التسويق والمحتوى وشغلنا كلنا اللي له علاقة بالناس

كم مرة كتبت محتوى وأنت متحمس وبعدها تفاجأت إنها العميل رفض ولا أعجبه شغلك 🤏🏻

هنا يجي الاختبار الحقيقي مو في نجاحك في رَدّك على الفشل 
هل تبرّر وتختفي؟
ولا توقف وتقول: خلني أفهم وين الخطأ وأدلّك على الصح؟

الفشل في شغلنا مو عيب 🫵🏻

بس بدل ما نقعد نلوم بعض خذ خطوة و"دلّهم"

اشرح وش صار

وش تعلمت

وش الحل اللي تقترحه

ترى الناس تحترم اللي يتحمّل مسؤولية فعله أكثر من اللي يبرّر ويتهرّب 👋🏻

___ خذها قاعدة:

يوم تفشل في العمل لا تسميه خسارة سمّه "تجربة تعليمية مدفوعة"

يوم ما يعجب العميل المحتوى لا تزعل اسأله: وش ناقص عشان يصير تمام ؟

يوم تغلط في صياغة فكرة لا تحذفها عدّلها وخليهم يشوفون تطورها

>> الفكرة في المثل:

“خذ دلّهم” مو معناها بس وجّههم هي فلسفة قيادة يعني خذ بيد العميل وعلمه بيّن له الطريق حتى لو كنت أنت اللي تسبب في الحفرة اللي وقع فيها دلّه على كيف يطلع منها 👀

أما “ولا رح وخلّهم” فهي تحذير من اللي يتهرب من مسؤوليته ويترك العميل أو الفريق يتخبط بعده النتيجة؟ ثقة راحت واسم خرب وتجربة فاشلة أكيد ماراح يكررها معك 🥴

—- الزبدة 🥱

الفشل مو نهاية الطريق الفشل هو الخريطة اللي تقولك ارجع خطوة وعدّل الاتجاه ودائمًا تعامل مع عملائك وعملك على مبدأ أنت تصحح الأخطاء وتتعلم منها وسلامتكم 🤎.