قوة التسويق بالكومنتات

الحقيقة إن دي واحدة من الاستراتيجيات الأساسية اللي ساعدتني احقق جزء كبير من نجاحي الحالي سواء كعملاء او متابعين  بالآف الحمد لله 

انا بستخدمها بشكل مستمر وبرشحها لكل العملا اللي بشتغل معاهم كبيرسونال براند أو تسويق للخدمات الشخصية من خلال المحتوى والسوشيال ميدياا 

حتى الصفحات اللي بمسكها بحاول استغل الكومنتات وأحقق منها أقصى فايدة وفي كل مرة بنبهر بالنتيجة أكتر من اللي قبلها،

ومع الوقت بقيت بطور من اسلوبي فيها بأفكار مختلفة كمان التعليقات ساعدتني اتعرف على أشخاص مؤثرين وابني معاهم علاقة من خلال الظهور والتفاعل المستمر معاهم

علشان مطولش عليك واحكي كتير عن نفسي وتجربتي الشخصية

فانا هشرحلك بالخطوات ازاي تنفذها 

بس خليني اعرفك في البداية إن  التعليقات تعتبر محرك اساسي للريتش لان مجرد ماتعلق عند شخص تاني فانت كدة بترفع البوست وبتخلي ناس تانية يوصلها المحتوى من خلالك والمنصة كمان بتعرف إنه محتوى ملهم وبترشحه أكتر 

فخلي بالك من النقطة دي واستغل الفرصة صح سواء في علاقتك بصاحب المحتوى أو المتابعين بتوعه

بالنسبة لصاحب المحتوى فانت لما ترد على تعليق عنده الشخص ده بيوصله إشعار منك وبالتالي يدخل حسابك ويتفاعل معاك ويبدء يتعرف عليك ولو محتواك عجبه هيتابعك ولو اقتنع هيتحول لعميل كمان 

مش بس كدة كمان لما حد يرد على تعليقك ده بيخلي متابعينه يشوفوا  ويظهر أكتر 

فالتعليقات تعتبر كنز مش كتير مدرك اهميته

طب ازاي يكون التعليق مؤثر وفعال ب ٣ عناصر

- الثناء على صاحب المنشور أو تقديم نقطة اتفاق ان وجدت

- اظهار خبرتك من خلال تقديم الحل للمشكلة أو وجهة نظرك

- آخر سطر يكون تشويقي وفيه جزء يخلي اللي بيقرا عنده فضول يعرف انت مين ويدخل حسابك يتعرف عليك أكتر

التلت خطوات دول لازم تركز فيهم كويس جدا وانت بتعمل تعليق عند شخص تاني وعايز تستفيد بتعليقك بس في سؤال تاني مهم وضروري نجاوب عليه مع بعض أنا المفروض اتفاعل وأعلق عند مين ؟ وعلشان أوفر عليك الوقت في التفكير أنا هقولك مين اللي تعلق معاهم من خلال تجربتي البسيطة 1) المؤثرين في المجال 

ودول أنا بعتبرهم الكنز الحقيقي لإن صفحاتهم عليها الجمهور المستهدف والمهتم وعنده وعي كمان، ومحتواهم بيكون فرصة لفتح نقاش وتبادل المعرفة وإظهار خبرتي فانا لو عرفت استغلهم صح هستفيد علاقات معاهم وعملا ومتابعين 

ودي نتيجة لتعليق عند أحد المؤثرين على منصة x (تويتر ) والكومنت ده جابلي فوق ال 500 متابع و3 عملا محتملين 

2) المنافسين : أنا مبعترهمش منافسين خصوصا لو مقدم خدمة فكل اللي ف السوق احنا زمايل وبنتعاون ونفيد بعض وده اللي هتركز عليه في التعليقات عند المنافسين إنك تدعمهم وتتبادل معاهم وجهات النظر مش تفرد عضلاتك عليهم 

3) الجمهور المستهدف : ودول هتلاقيهم في المجتمعات الخاصة بيهم ( الجروبات ) هتركز على اسئلتهم وتجاوب عليها باستمرار وتبين وجهة نظرك وتحاول تفيدهم وبكدة هتكسب ثقتهم في خبرتك ويتابعوك ويكلموك للشغل 

دول أهم الفئات وفي تفاصيل تانية كتير عن التسويق بالكومنتات بس انا محبتش اطول عليك وقولتلك اللي يفيدك باختصار ولو استمريت عليها بروتين يومي هتحقق نتيجة تفوق توقعاتك بأضعاف وهتسناك تيجي تشكرني زي مصطفي اللي عرفته الطريقة وبكومنت واحد جاله 2 عملا وكومنت لعميل جاله 4 عملا من كومنت واحد 

ولو حابب تكون زي مصطفي وتستفيد من التسويق بالكومنتات والتسويق بالمحتوى وتضاعف نتايج محتواك انا بقدملك فرصة تحجز معايا استشارة هساعدك فيها تبدء في صناعة المحتوى وتضاعف نتايج محتواك واعرفك كل الاستراتيجيات اللي بستخدمها في تسويق خدماتي بالتفصيل 

وتاخد متابعة شهر وملف 50 فكرة محتوى هدية لأول 10 فقط

للتفاصيل ابعتلي كلمة "استشارة" على  واتساب واستغل الفرصة دلوقتي 

ولو عجبك المحتوى واستفدت منه يهمني تشاركني تعليقك

وتشارك النشرة مع صحابك علشان يستفيدوا منها، ونتقابل في نشرات قادمة أكثر متعة وفايدة