الحل مش في زيادة العملاء

هل سبق وحسيت إنك شغال بجهد كبير جدًا لكن دخلك مش زي ما تتمنى؟

أو إن عندك عملاء كتير، لكن مش بيقدروا مجهودك ولا بيحترموا شغلك؟

لو إجابتك "نعم"، فانت مش لوحدك. أنا مرّيت بنفس التجربة في بداية مسيرتي كفريلانسر،

كنت فاكر إن الحل هو إني أشتغل مع أكبر عدد من العملاء، لكن مع مرور الوقت،

لكن مع الوقت اكتشفت إن النجاح مش بالعدد، بل بالتركيز على النوعية.

وعلشان أنا يهمني مساعدتك وتوفير وقتك ومجهودك فنصيحتي ليك إنك تحصل على عملاء أقل بسعر أعلى، لإن العميل اللي سعره عالي بيحتاج شغل جودته أفضل ومستمر ، وأظن العجلة بكده هتدور في وسط عملاء جيدين ويكتروا مع الوقت.

لكن العميل اللي سعره منخفض بيدخل الواحد في دوامة من تكثير كمية الشغل عشان تزيد الدخل بدون تطور ولا شغل احسن للبورتفوليو بالتالي محلك سر ولو عرفك على غيره هيكون بسعر منخفض زيه، وهي دي المعضلة اللي لازم تخرج منها

النهاردة حابب أشارك معاك 5 خطوات بسيطة ساعدتني أزود دخلي وأقلل من عدد العملاء في نفس الوقت.لو بدأت تطبيقها، هتشوف فرق كبير في شغلك وحياتك المهنية.

تابع معايا للنهاية علشان تتعرف على الأسرار اللي ساعدتني أضاعف دخلي

أول معلومة لازم تعرها إن التخصص هو سر النجاح.لما تتخصص في مجال معين، هتبقى أكتر احترافية وتصبح خبير في المجال ده.

• اختار المجال اللي تحبه وتقدر تبدع فيه.
• تخصص في نوع معين من الخدمات علشان تبقى مميز وتقدر تبني سمعة قوية في المجال ده.
• خلي عندك معرفة عميقة بكل جوانب تخصصك، ده هيساعدك تكون الأفضل.

مثال :لو شغلك في كتابة المحتوى، ممكن تتخصص في كتابة الإعلانات أو إعلانات الفيسبوك، بدل ما تكون عام في كل مجالات الكتابة.

العلامة الشخصية هي أول خطوة لتمييزك عن باقي الفريلانسرز.
الفكرة ببساطة إنك تكون الشخص اللي الناس بتتذكره وتثق فيه لما يحتاجوا خدمتك.

إزاي؟

• أول حاجة، خلي عندك أسلوب خاص في تقديم نفسك.
• اتكلم عن خبراتك وتجاربك الحقيقية في مجالك، ده هيساعد الناس على فهمك أكتر.
• خلي الناس يعرفوا نقاط قوتك، وركز عليها.
• لما تبدأ تطور بيرسونال براند قوي، هتجذب عملاء بيقدّروا شغلك وبيثقوا فيك.

مثال عملي:لو شغلك هو التصميم الجرافيكي، اعرض أعمالك بأفضل صورة، وشارك قصص عملاء كنت قدمت لهم خدمات مميزة. خلي الجميع يعرف إنك شخص مميز في مجالك.

أنت مش مضطر تكون موجود على كل المنصات، المهم تختار المنصات الصح اللي هتوصل بها لأفضل عملاء.علشان كده لازم تبدأ تحدد جمهورك، وتعرف هو بيدور على الخدمات بتاعتك فين.

• اختار 2-3 منصات تكون فعّالة مع جمهورك،
  بدل ما تشتت نفسك على منصات كتير مش هتجيب منها نتيجة.
• خلي وجودك قوي على المنصات دي، وكن نشط في التفاعل مع متابعينك.
• مثلاً، لو شغلك في الكتابة أو التسويق الإلكتروني، يمكن تكون LinkedIn وTwitter هم الأنسب لك. لو كنت مصمم، يمكن Instagram يكون أفضل.

مثال عملي:لو بتقدم استشارات في التسويق، استخدم LinkedIn لكتابة مقالات عن نصائح تسويقية، وكمان شارك محتوى على Twitter يساعد المتابعين على حل مشكلاتهم.

بعد ما اخترت المنصات المناسبة واهتميت ببراندك الشخصي وبقا عندك عدد من الجمهور، المرحلة التانية هي تحويلهم لعملاء وهنا تيجي أهمية القمع التسويقي 

القمع التسويقي هو العملية اللي بتحول العملاء من متابعين إلى عملاء دائمين.لو عايز تحول المتابعين لعملاء فعليين، لازم يكون عندك خطة واضحة تبدأ من التعريف بيك لحد ما العميل يشتري منك.

• التوعية: خلي الناس يعرفوا عنك أولاً، عبر منشورات مفيدة أو محتوى مجاني.
• الاهتمام: قدم عرض صغير أو مجاني، زي استشارة أو ملف PDF مجاني.
• القرار: خلي العميل يعرف قيمة خدمتك وكيف ممكن تساعده.
• الإجراء: خلي العميل ياخد خطوة مباشرة مثل الحجز أو الشراء.

مثال عملي:لو بتقدم خدمة استشارات مهنية، ممكن تقدم أول جلسة استشارة مجانية أو ملف يحتوي على نصائح للبحث عن وظيفة، بعدها اعرض خدماتك المتقدمة. 

العميل مش بيدور على الخدمة، هو بيدور على الحل لمشكلته.علشان كده لازم تكون قادر تقدم له عرض جذاب وواضح، يخليه يحس إنك الشخص اللي يقدر يساعده.

• ركز على حل المشكلة بشكل مباشر.
• خلي عرضك مبسط وواضح، وكون صريح في تقديم الفوائد اللي هيحصل عليها العميل لما يشتغل معاك.
• كل ما كان العرض بتاعك مميز وواضح، كل ما هتقدر تجذب عملاء أفضل.

مثال عملي:لو بتقدم خدمات كتابة السيرة الذاتية، اعرض خدمة "كتابة CV احترافي" مع بعض النتائج السابقة للعملاء، مع وعود واضحة زي "تقديم CV يلفت نظر الشركات الكبرى". 

في النهاية ضروري تعرف إن النجاح في العمل الحر مش في عدد العملاء، بل في نوعية العملاء اللي بيقدّروا مجهودك.

بتطبيق الخطوات دي، هتقدر تزود دخلك وتقلل عدد العملاء، مع زيادة جودة العمل اللي بتقدمه.
ابدأ من النهاردة وركز على خطوات واحدة تلو الأخرى، وهتلاحظ الفرق في وقت قريب.

لو عندك أي أسئلة أو محتاج مساعدة في تطبيق الخطوات دي، مترددش تسألني!

أنا هنا للمساعدة. 😊 

تقدر تبعتلي واتساب لحجز استشارتك ومساعدتك في مضاعفة دخلك 

تحياتي،ونلتقي في إيميل قادم ولا تنسى تشاركني رأيك في تعليق