خطأين شائعة في التسويق تدمر مشروعك بدون ماتحس ؟ - العدد #24

بعد مرور ٣ سنوات في العمل في مجال التسويق لفت نظري أخطاء فادحة يقع فيها الكثير ظنًا منهم أنها الأفضل والأقوى في التسويق لكنها العكس تماما :.

الأول :.

•التسويق بالشفقة " تكفون اطلبوا مني ولا بقفل مشروعي " أنا خسرت كثير في هالمشروع " ظروفي صعبة "  خير ان شاءالله!!؟ 

للأسف هذا النوع من التسويق منتشر بشكل مبالغ فيه !

لأنه ما يقدّم قيمة، يقدّم مبرر ،بالتالي العميل ما يشتري لأنه اقتنع، يشتري لأنه تأثر وهنا الفرق كبير 

عشان كذا تشوف مشاريع باعت مرة… ثم اختفت،

لأن الشفقة لا تبني علاقة، بإختصار هو ما اشترى عشان جودة منتجك بل عشان شفق عليك 

في أرقام تقول إن أغلب القرارات الشرائية اللي تُتخذ بدافع عاطفي غير مبرر مثل الشفقة 

ما تتحول إلى ولاء، ولا إلى شراء متكرر.

الناس تحب تساعد،لكن تحب أكثر إنها تختار بوعي.

احكي قصتك، لكن لا تجعلها مثيرة للشفقة 

لأن قصتك تشرح من أنت،والقيمة تشرح لماذا أشتري منك أما إذا احتجت شفقة لتبيع،فأنت لم توضّح قيمتك بعد.

نجي للخطأ الثاني 

"الاختباء خلف العلامة التجارية"

سمعت مقولة تقول " لاتختبئ خلف علامتك التجارية " 

كثير علامات تنشر بإستمرار لكن صاحبها مختبئ لايظهر لا بصوته ولا صورته ينشر بس بوستات رسميه بدون أي ظهور لكن الحقيقة إذا أردت وصولا اسرع وأقوى وأفضل لا تختبئ خلف علامتك التجارية 

الإنسان يرتبط بالإنسان بوجه، بصوت، بموقف.

نثق باللي نشوفه بشكل أكثر من اللي بس نعرف منتجه ..

الأرقام تقول إن العلامات اللي يظهر فيها صاحبها أو فريقها تحقق ثقة أعلى، وتفاعل أعمق مو لأنهم أفضل،

بل لأنهم أوضح والأقرب 

وممكن شفنا كثير براندات تبيع نفس المنتج لكن طريقة التسويق مختلفة احدهم يظهر والآخر لا 

نفس المنتج، نفس السعر، نفس الجودة الأرجح إننا نطلب من اللي نعرفهم 

اخيرا 

تقدر تسوّق بدون استعطاف وتكبر بدون شفقة وتنمو أسرع مع الظهور 🧡

وش الخطأ الفادح في التسويق اللي يقهرك في كل مرة  👀