كيف يخفف الإنشغال الضغط النفسي؟ ؟ - العدد #21

فيه مثل يقول إذا اشتد الحزن عليك، فاشغل يديك❤️‍🩹

في أوقست الشهر الماضي مريت بمرحلة صعبة شوي 

روتين مُضطرب ومزاج مُتقلب..

و اللي أنقذني بشكل مش متوقع هو  شغلي.

وقتها عرفت إنو العمل مش بس مهام أو ملفات، بل كان مساحة أتنفس فيها بعيد عن الضيق..ولحسن الحظ ايضا أن قائمة المهام لم تخلوا أبدا وكأنها تقول "لاتقلقي أنا هنا لن يتمكن الحزن منك"

جربت التعايش مع الأحداث السيئة مرتىين مرة وانا بدون عمل ومرة وأنا على رأس العمل..

وهنا لاحظت الفرق بين وقع الحدث السيئ على روحي ويومي..

كل ما انغمست بالمهام، حسيت وطأة الحزن تخف شوي. مو لأنه اختفى، بس لأنه ما صار يسيطر علي بكبره..

بالمقابل مررت بتجارب صعبة ايضا وأنا بدون عمل فوَجَدت الهموم مكان خصبًا لتنمو فيه واييقنت ان الفراغ يُضخم الأمور في داخلك ،مش بس يضخمها لا وقع التجربة ايضا كان مؤلم جدا جدا..

قبل نبدأ لازم نعرف إنو العمل والإنشغال في الفترات الصعبة سلاح ذو حدين… من يحدد هل يكون لك عون أو فرعون،أنت …

طيب متى يكون الانشغال شي زين؟

• إذا كان يبعدك عن دوران الأفكار السلبية براسك.

أحيانًا الحزن يخليك تدور بنفس الدوامة: “ليش صار كذا؟وش كان ممكن أسوي؟ والفراغ يضخم هالنوع من الأسئلة والتساؤلات أما الانشغال يوقف هالتكرار المؤذي، للأفكار اللي تستهلك طاقتك وترهق جسدك وتُقلق فكرك ..

•إذا اعطاك إحساس إنك أنجزت شي، حتى لو بسيط.

مو لازم يكون إنجاز ضخم يحتاج تصفيق وتوثيق بل مجرد إنك تخلص تقرير مثلا ،ترتب مكتبك، أو تطبخ وجبة تحبها مهام بسيطة في ظاهرها عميقة في داخلها بحيث انو بعد كل انجاز بسيط عقلك يفرز هرمون الشعور بالرضا اللي بدوره يخفف من اي ضغوط خارجية ..

•إذا كان العمل فيه معنى حقيقي لك.

الشغل اللي تحبه أو له قيمة عندك يختلف عن مجرد تضييع وقت لما يكون فيه رسالة أو أثر، يخف الحزن و يتراجع لأنه يواجه شي أعمق وهو المعنى.

بالمناسبة انشأت هذه النشره العام الماضي في مرحلة كنت أمرّ بها بوقت صعب فهرعت أبحث عن شيء يشغلني ويُلهيني والأهم به معنى .. 

•إذا ساعدك على التخطي والتجاوز.

الانشغال يعطيك دفعة لتجاوز المرحلة الصعبة، خطوة خطوة وكل مهمة تنجزها حتى لو صغيرة، تزيد ثقتك بنفسك وتخليك تحس إنك قادر تتجاوز أي موقف وحتى أي علاقة..

⸻

بس لحظة تحسب دايم الإنشغال كويس ؟

فيه حالات نقول لحظه وقف شغل وخذ بريك متى طيب؟

إذا صار هروب دائم من مواجهة مشاعرك.

يعني كل ما حسيت ضيق، تهرب وتدفن نفسك بالشغل، وتنسى تتعامل مع جذور  مشكلتك وتراكم همومك وهذا غلط كبير لأنو بيرجع عليك ضرره في يوم ما وبشكل أقوى وأقسى..

•إذا خلاك تضغط على نفسك أكثر وتنهكها.

مو كل انشغال صحي إذا زودتها وصرت تشتغل فوق طاقتك هربًا من آلامك جسمك بيستنزف، وممكن تدخل بدوامة توتر أشد من الحزن نفسه.

•إذا ما ترك لك أي وقت تعيش فيه حزنك وتفرغه.

المشاعر تحتاج وقت تجلس مع نفسك، تعترف إنك متضايق، وتفرغ اللي بداخلك. الانشغال اللي ياخذ منك هالمساحة عمره ماكان علاج… هو مجرد تأجيل لإنفجارات مؤلمة وحكايات مؤجلة..

⸻

طيب قد سألت نفسك وش يصير بجسمك لما تكون في حالة مش كويسه ؟وفي ظروف صعبة؟حزينة مثلا 🤷🏻‍♀️

الحزن يرفع هرمون الكورتيزول، وهذا يخلي نومك ممضروب وتركيزك معطوب، وثقل مب طبيعي على روحك وقلبك وحتى أنفاسك تضيق ..

بس أول ما تبدأ تنجز أي مهمة—حتى صغيرة—جسمك يفرز الدوبامين والإندورفين، وهذي مواد كيميائية طبيعية ترفع مزاجك وتخفف الألم النفسي.

يعني ترى الانشغال مو بس يلهي راسك، هو يعالج جسمك بعد.

 وفي دراسة أمريكية قالت إن اللي عندهم روتين ثابت أو شغل يقل عندهم الاكتئاب بـ 30%.

أكيد لكل واحد فينا قصته مع الإنشغال بعمله في الأوقات الصعبة واللحظات المُربكة والظروف المُريبة  والتجارب العصيبة..تذكرت تجربتك صحيح؟آمل ذلك..

العمل علاج… بس مو كل العلاج.

خلّيه “جسر تعبر به” مو “جدار تختفي وراه”

أنت من يقرر دور العمل في أحزانك وهمومك ومشاغل حياتك اللانهائية 

وش تسوي إذا حسيت الحزن ثقيل؟

1. اختَر مهمة بسيطة بس لها معنى.

2. خلصها، وبعدين أعط نفسك وقت تعيش حزنك وتفرغه.

المهم اششششغل نفسك وبعد قد ما تقدر عن الفراغ الموحش 

أخيرا :.

الانشغال بوعي يقدر يكون منقذ حقيقي مو عشان يدفن حزنك… لا لأنه يعطيك مساحة تتنفس وتتعافى وتتخطى وتعود للحياة بروح أفضل وأسعد 🧡

حبيت النشرة ؟ اشترك فيها واكتب تعليق يحفزني أكمل 🧡