“لا تكتب عشان يصفقون لك… اكتب عشان يشترون منك" - العدد #19 |
| بواسطة هيفاء صالح • #العدد 17 • عرض في المتصفح |
|
|
|
|
|
يوم دخلت السوق وعالم العمل الحر وأنا فريلانسر توّي مبتدئة،كنت أكتب محتوى وأتفنن في اختيار الكلمات بكل تركيز واهتمام وانتظر ردود ولايكات والكثير من وااااااو كتاباتك رهيبة 🤯🤯 |
|
وفعلا لقيت مرادي،الكثير من الإعجابات والانبهار بما أكتب. |
|
بس!بس!بسس!!! |
|
بس الغريب ما كان فيه أي عميل يجي من ورا هالنصوص اللي يقولون عنها رهيبة!🤦🏻♀️ |
|
وبعكس لما أنشر مثلا معلومة في المحتوى أو التسويق يجون عملاء ومهتمين للخدمات اللي أقدمها. |
|
في البداية كنت أظن إن كل ما زادت جمالية المحتوى،زادت احتمالية إن الناس تتعامل معي. |
|
بس الواقع كان يقول العكس: |
|
الناس تشتري الحلول. |
|
فيه فرق بين شخص يقول “إبداعك رهيب" |
|
وبين شخص يقول كم تسعيرتك؟ |
|
الأول ينبهر،والثاني مهتم. |
|
الأول عجبته لمعة الفكرة، والثاني شاف عندك حل لمشكلته. |
|
تساؤلات كثيرة ليش وليش؟وياترى وش اسوي🤷🏻♀️ |
|
لقيت الجواب يوم شفت مقولة تقول: |
|
“لا تكتب للي يصفق لك… اكتب للي يشتري منك.” |
|
وقفت اتساءل مثل كل مرة طيب وش الفرق بين المحتوى اللي يجيب مُعجبين فقط والمحتوى اللي يجيب مُشترين وعملاء 🤔 |
|
وبالطبع كوني أعمل كفريلانس وهدفي الأول كسب عملاء فمن المهم جدا أن أجد جوابا لسؤالي. |
|
بحثت وبحثت لعلي أهتدي لإجابة سؤالي🥲 |
|
في دراسة نشرتها Harvard Business Review، قالوا إن العميل ما يشتري المنتج او الخدمة عشان مميزاته، يشتريه عشان “الوظيفة” اللي يؤديها بحياته. |
|
يعني ما يهم إذا أنت محترف،المهم:. |
|
|
وفي دراسة ثانية أجرتها Orbit Media على 1000 مدوّن مستقل أظهرت أن أكثر المنشورات انتشارًا (من حيث الإعجابات والمشاركات) لم تكن بالضرورة الأعلى تحويلًا للعملاء أو تحقيقًا للدخل. |
|
المنشورات التي تركز على: |
|
|
من هنا بدأت الرحلة للمزيد من الأسئلة:. |
|
صرت أسأل نفسي: وش يبغى العميل فعلًا؟ مو أنا وش أبي أقدم. |
|
مثلا أنا أحب أكتب النصوص الإبداعية والفلسفية بس بعدما عرفت إنو مو هذه اللي تجذب العميل بدأت أقلل من نشرها. |
|
وبدأت أكتب حلول للعميل ومحتوى يجذب عميلا لا مُعجبًا. |
|
⸻ |
|
وش تغيّر؟ 🤷🏻♀️ |
|
صارت كل الرسائل من العملاء عن طلب خدمات في كتابة المحتوى واستشارات ايضا،وحتى زيارات ملفي الشخصي في تيك توك عبارة عن أصحاب مشاريع ومنتجات. |
|
وبكذا عرفت إني وصلت لجمهوري المستهدف الحمدالله 🧡 |
|
وأيضا ظهرت أدوات جديدة في حياتي: |
|
• نموذج “Buyer Persona” |
|
• خريطة الرحلة الشرائية |
|
• دراسات الجمهور |
|
• علم النفس التسويقي |
|
• وحتى شيء اسمه “علم الاستبصار السلوكي”، اللي يشرح كيف الناس تتخذ قراراتها تحت الضغط أو الحيرة. |
|
صرت ألاحظ أن أنجح المستقلين،ما همّ الأفضل بل الأوضح. |
|
اللي يعرف يتكلم لغة العميل،مو لغة الإبداع بس. |
|
اللي يعرف يعرض الفائدة قبل المهارة، القيمة قبل التفاصيل،النتيجة قبل الرحلة. |
|
اللي يوضح للعميل: هذا اللي بيصير لما تشتغل معي. |
|
⸻ |
|
قاعدة ذهبية🌟 |
|
وش ماكان مجالك وتبيع خدمات لاتعرض مهاراتك بس كمهارة بل قدمها كخدمة لو نفترض فيه حسابين لبنتين كاتبتين كلهم ينشرون كتابات رهيبة بس الأولى تعرضها كفن في الكتابة وهواية والأخرى تعرضها كخدمات وتوضحها أكثر في كل مرة مِن مَن سيشتري العميل؟ |
|
لو كنت تبي عملاء من مهارتك حاول تمشي في الطريق الصح واذا ماتعرفه حاول تستكشفه وإلا ماتوصل. |
|
⸻ |
|
طيب وش اللي يصير داخلك ويتغير فيك نفسيا بعدما تعرف جمهورك اللي يوصلك لأهدافك؟ |
|
أولها بتحس إنو كل جهدك وشغلك في التسويق بالمحتوى له ثمرة مو تشتغل وتسوق بس بدون أي نتائج،والثمرة جت لأنك عرفت جمهورك وبناءً عليه عرفت ايش تعرض لهم محتوى يجيبهم. |
|
و ثانيها بترجع لك الثقة وياحلوه من شعور 🧡 |
|
وايش ممكن كمان؟🤔 |
|
⸻ |
|
وأخيرًا.. |
|
إذا هدفك من المحتوى ونشره وصناعته عملاء و💸 |
|
لا تصنع محتوى عشان التصفيق👏🏻 |
|
اصنع عشان تُختار.🌟 |
|
لا تصمّم عشان يعجبون…❌ |
|
صمّم عشان يطلبون.✅ |
|
ولا تسوّق عشان يزيد التفاعل ❌ |
|
سوّق عشان تربط بين مهارتك واحتياج السوق⚡️ |
|
وكل ما كتبت شي اسأل نفسك: |
|
هل هذا ينفع؟ هل يخدمني؟ هل يخدم عميلي؟ |
|
اختر عمق البيع،لا سطحية الهتاف🧡 |
|
وإذا كنت تبي محتوى ما يكتفي بس بالإعجابات، بل يجيب العملاء ويزيد مبيعاتك؟ |
|
فأنا هنا أكتب لك وأكتب لنجاح مشروعك🌟 |
|
اطلب خدمات كتابة المحتوى من هنا:. |
|
وإذا حاب تستفيد من أفكار ونصائح في مجال الكتابة والتسويق |
|
اشترك في النشرة البريدية وخلّنا نكبر سوا🧡 |
التعليقات