شخصيتك حسب الأسبوع | تجدد

"من الطبيعي إنك تتلوّن… بس مو لازم تذوب."

أهلاً وسهلاً بك في نشرة تجدد — حيث يلتقي وعي الشباب مع بصيرة التجربة

في هذا العدد ما راح نختصرك بنصائح، لكن بنمدّ لك فكرة… نظرة واقعية عن تقلبك، تغيّرك، وشخصيتك اللي تتلون مع الأسبوع. مو ضعف، بل لأنك حي… وفيها أكثر مما تعتقد.

خلال أيام الأسبوع تلقى نفسك..

مرّة هادئ، ومرّة مو طايق شيء.. يوم تضحك مع الكل، ويوم تحس ما تبغى أحد يشوفك تبدأ الأسبوع متفائل، ومع الأيام تقيس تقلب مزاجك وتنهيه وأنت تسأل: أنا ليه كذا؟

بديت تشك بنفسك؟... أنت مو متقلب، ولا شخصيتك ضعيفة، لكنك إنسان .

الضغط، الناس، الإيقاع السريع، حتى الجو... كلها تغير طريقتك وتلعب دور في كيفية تصرفك، فأنت تتغيّر حسب ما حولك، مو لأنك بلا ملامح، بل لأنك كائن حيّ.

- المشكلة؟

لما تبدأ تعامل نفسك كأنك ثابت طول الوقت، وتحاكمها على لحظات مؤقتة. التوازن مو أنك تقعد ثابت بمزاج وطاقة وحده.. لكن أنك تفهم متى تغيرك البيئة، وتختار ترجع لنفسك. مو تحصر نفسك في قوالب ثابتة: أنا دايمًا واثق أنا اجتماعي دايمًا أنا لازم أكون إيجابي طول الوقت وكل هذا مو واقعي.

لأنك مو الشخصية اللي ظهرت تحت الضغط...أنت القرار اللي تاخذه بعد ما يخف الضغط.

تعني أن تصرفاتك ما تطلع من فراغ، بل من تفاعل داخلك مع الظروف المحيطة بك. 

نحن مو نسخة محفوظة من برنامج لازم يشتغل بنفس الطريقة كل يوم، الإنسان يتفاعل، يتأثر، يتراجع، يتقدم، ويعيد تشكيل نفسه باستمرار. مو مطلوب منك تثبت شخصية واحدة وتتمسك فيها للأبد، ولا إنك تشرح نفسك في كل مرة تتغير. المهم إنك ما تنسى ترجع لنفسك الحقيقية… حتى لو تهت عنها أيام. وهذه النشرة، بكل بساطة، كُتبت لك... لأنك طبيعي جدًا، حتى في فوضتك.