كيف يعتذر الوقت؟⏳

اسم جريدتكم  🌴

الوقت يعلّمنا كثييييير بدون ما يتكلم معنا!

يرتب لنا حياتنا فنعرف يومنا، أسبوعنا، وسنتنا. يرتب لنا تفاصيل التفاصيل من ساعات النوم إلى أوقات الصلاة.

بس؟ نضِيع، ونضَيّع الوقت إذا ما ضبطناه، وقعدنا متمددين على وسايد الكسلانين.. 😴

ففي وقت سابق كاتبتكم كانت تنتظر الوقت يجيب ويحقق اللي تبغاه😆 بس هو مشى ولا عبرها🚶🏻‍♀️‍➡️، وكل ما انتظرت؟ طال عليها الطريق وبعد عنها، وحلمها القريب؟ صار أقرب لحدود الشمس منها. ☀️

فقعدت على طرف الطريق، أتأمل وأتمعن في الناس اللي تركض واللي تمشي واللي رجعت من جديد لنقطة البداية..

وكنت أسمع أصوات وتهاني وتصفيق بعيدة، فرفعت راسي إلا أشوف هناك على اليمين قمة فيها الكثيييير من الناجحين، ففكرت وش هي الطريقة اللي سووها؟ كيف هم حققوا وأنا لا؟ وهم وصلوا وأنا انتظر اللي أبغاه يجيني. 😇😂

فحطيت أسئلتي وتسائلاتي، وقمت رتبت هندامي وأخذت أدواتي وضبطت الماب وحطيت الوجهة لذيك القمة⛰

اللي مستحيل أتخلى عن الوصول لها. فمن بديت الرحلة وخذيت معي عفشي ..

كان الدافع والمشجع لي على طول هالطريق المتعب هي عائلتي، أما بنزين الرحلة اللي ما أقدر أمشي بدونه😅 واسميه هدية وتوفيق من الله، هو الدعاء❤️‍🩹 فالدعاء مو بس كلمات تنقال هو عبارة عن طاقة تعطي روحك قبل جسدك عشان تبدأ تتحرك، وتستمر.

المهم وبعد كذا؟ صار الوقت يخدمني وفي صالحي بس لأني أنا تغيّرت! فهو ما مد يده لي، ولا عطاني، إلا يوم بديت بالتحرك، والسعي. 🚀 

ومن بدت الرحلة بدت رحلة قطع الوقت⛓️‍💥

فلا تنتظر الوصول، التحقيق، النجاح، الظروف، وغيره هي اللي تجيك إذا ما قمت الآن، وتلوم نفسك بعدين! فالعمر يمشي والساعات تركض  🏃🏻‍♀️

فحنا لازم نعتذر لنفسنا على انتظارنا، فالوقت ما راح يعتذر فهو مكمل مكمل 😅ولا راح حتى ينتظر أو يوقف، فعشان كذا  لازم نقلب المعادلة ونسأل أنفسنا كيف نقدر الوقت؟ 😎⏰

وتأكد إن بيكون بصالحك ومعك بس أنت إعرف له 😎

وختامًا ما زالت الرحلة طويلة فأنا في بداية الطريق، بس الأهم إن الوجهة معروفة هي قمة المبدعين الناجحين والمناضلين فخلونا نكون هناك 💫

وقبل ما نوصل أكتب لي وش أكثر شيء خليت الوقت يأخذه منك؟ ووش ناوي تسترجع؟

وبما إن نشرتك هي جريدة قلت خلني أسوي مسابقة لطيفة✨، تتذكر هاللعبة أيام الجرايد؟ يلا أتحداك تجيب الجملة 🏃🏻‍♀️😂

يلا جاوبني..