نشرة النظارة البريدية - أنت السبب في كل ده 😵

مبادرتك في الحياة أنك تكون فعال!
في بودكاست بين د. إيهاب مسلّم و د. رمزي عبدالعزيز كانو بيتكلموا عن قاعدة غريبة شوية وهي الـ 10/90 

يعني إيه؟ ببساطة إن حياتنا وكل الأفعال اللي فيها اللي خارج إرادتك هي بس 10% كتأثير في حياتك.
لكن الـ 90% بقى بتكون مبنية في الأساس عليك أنت وأستجابتك.

يعني كورونا مثلا كان تأثيره على الكل 10% لكن اللي قدر يكون مبادر وخلا رد فعله إيجابي قدر يستفيد من ده لأنه حط نفسه في سياقه الطبيعي اللي هو الـ 90% 

بينما اللي ضيع المدة وتأثر بـالماجريات "الأحداث حوليه يعني وعنوان كتاب في تجارب لطيفة" كان حاطط نطاق تأثيره ورد فعله في المنطقة السلبية 10%

ولو أنت زيي بتقعد تبص على كتب من فترة للتانية هتلقى ان واحدة من العادات السبعة مثلا هي المبادرة وتعتبر في أول الكتاب.. بينما قصص تانية كتير وسير بتقول إن المبادرة كانت مفتاح لنجاحهم
ولكن ليه تبقى مبادر ما "منطقة الراحة" لطيفة وهادئة!

الحقيقة هو ده السبب الأساسي لأن الراحة حاليا بدأت تكون إدمان عند بعض الناس، وده لأن فيها بعض سمات الإدمان وكمان الإنسحاب منه بيظهر عندنا زي القلق، العجز، الغضب.

وكمان زيادة الراحة بتقلل مرونة دماغنا، بينما علشان تطلع كل اللي عليك تخرج من الراحة دي، وتكون شخص مسيطر على زمام حياته، لكن خلينا متفقين إن الموضوع عايز طول نفس.

أتمنى نتقابل الأسبوع الجاي.. شكرا ليك 🤍☕