دليل مبسط101.. "الاقتصاد" #16 |
| بواسطة Abdelghany • #العدد 16 • عرض في المتصفح |
|
السلسلة دي غير أكاديمية يعني شعبولي علاخر
|
|
|
|
خلينا متفقين إن صعب نقدم علم في ورقة واحدة ولكنها هتكون محاولة لتقديم العلوم الاجتماعية ويا مسهل.."الاقتصاد Economics" علم مبني على "الندرة Scarcity" ويعتبر من العلوم الاجتماعية لأنه بيدرس سلوكنا اللي بيظهر بين الغايات بتاعتنا ومواردنا النادرة.. وهنا مشكلة الأقتصاد لأن ندرة الموارد بتدفعنا دائما إننا نحاول نستخدمها بأفضل طريقة.. |
|
وبينقسم لأنواع زي: الأقتصاد الكلي "بلد معينة".. بيدرس مجموعة حلول نظرية وبيكون بنظرة كلية للأقتصادومن أسئلة الأقتصاد لكلي المهمة تحديد مستوى المعيشة؟وهنا هتلقى مصطلح أسمه الناتج المحلي الإجمالي أو الـ gross domestic product وده بيكون في كل حاجه عملتها الدولة من "سلع وخدمات" في مدة زمنية معينة وسعرها على المستهلك كام.. وهتلقى في أسمين للموضوع gdp أسمي"كميات وأسعار" وgdp حقيقي "كميات"وخلينا متفقين إن الـ gdp أهم رقم في النظام الأقتصادي.. |
|
هتلقى بعدها التضخم.. وده بيبقى أرتفاع في المستوى العام للأسعار في بلد معينة.. وده معنى القوة الشرائية للعملة أنخفضت.. أو بمعنى تاني "فلوس كتير, خدمات وسلع قليلة"لكن خلينا نتفق إن في خطر أكبر وهو الركود وده عكس التضخم أيوه انخفاض.. وده بيحصل بسببه شلل في دائرة الإنتاج ودي المراحل اللي بتمر بيها السلع والخدمات علشان توصلنا.. فتخيل كده إنك من ليبيا والـ6 مليون كلهم مش حابين يشتروا سكر لفترة طويلة هنا هيحصل ضرر للفلاح والمصنع والبائع وده هيخلي جزء منهم يقفل أو يتوقف.. وده خطر الركود.. علشان كده التضخم في مستويات معقولة هو عسلية بسمسم.. للحكومات |
|
لو كنت عملت.. تكلفة الفرصة البديلة في إطار زمني واحد ممكن يحصل أكتر من حاجه لو أحنا أربعة مثلا فهتلقى واحد نام واحد بيذاكر واحد بياكل واحد بيتمشى.. وكل فرصة من دول كانت متاحة ليك لكنك أخترت اللي ارتحت له بالتالي تاني يوم في الامتحان كله عرف إن البديل الأمثل كان المذاكرة لكنه مكنش حاسب تكلفة الفرصة البديلة.. اللي هي أستهلك وقتك في بديل أفضل من اللي انت فيه دلوقتي.. وده هيساعدك تحسن قراراتك |
|
نروح لالأقتصاد الجزئي "أفراد - شركات"وده بيدرس قرارتهم الاقتصادية.. خاصة ظاهرة العرض والطلب.. المستهلك أو المشتري بيطلب على عكس اللي عنده مصنع وينتج ويعرض سلعته علينا.. والموضوع له علاقة بالرغبة والندرة..تعالى نشعبولي.. الطلب ده العريس والعرض ده العروسة.. وطبعا كل عريس حسب قدرته العقلية أهم حاجه والشرائية وأكيد شوية حاجات تانية فهي كست البنات بقى هتحط معيار لكل عريس من 10 فطول ما الطلب كتير لأيدها طول ما هي قادرة تجيب عريس بالنسبة ليها 10/10.. بعد عمر طويل جوزها مات.. وبقت عندها عيال كتير والطلب قل هنا التكلفة على الراجل أنه يتقدم هتكون أخف والموافقة أعلى "لأن في أنخفاض للطلب مقابل العرض" وربنا يعينهم على العيال.. وطبعا دي مش نصيحة تأخر جواز أنا عن نفسي عايز ألحق السوق الفترة دي.. ودي طريقة توضيحية على الفكرة مهياش تسليع أو وضع تمن |
|
ده أهم حاجه تتابعها من وجهة نظري في الفروع دي فرع الأقتصاد السلوكي لأنه هيساعدك تعرف ليه أشتريت "لانه بيجمع بين الاقتصاد وعلم النفس" والصراحة المخبر الأقتصادي عمل حلقات مهمة عن الموضوع باقي الأنواع في الأقتصاد الأخضر وده لي علاقة بالتنمية المستدامة والحفاظ على العالم أمن بيئيا اجتماعيا |
|
اقتصاد الأعمال المستقلة وهنا بيتكلم عن الـ freelance والناس اللي بتعرف تعمال شغل في البيت زي مطاعم أمهات البيوت.. إلخ إلخ من فروع مصادر: |
|
https://hbrarabic.com/%D8%A7%D9%84%D9%85%D9%81%D8%A7%D9%87%D9%8A%D9%85-%D8%A7%D9%84%D8%A5%D8%AF%D8%A7%D8%B1%D9%8A%D8%A9/%D8%B9%D9%84%D9%85-%D8%A7%D9%84%D8%A7%D9%82%D8%AA%D8%B5%D8%A7%D8%AF/ |
|
كورس الأقتصاد الكلي الحياة والعمل |
|
التعليقات