أنا بفكر فيك.. عن التفكير التصميمي |
| 17 مايو 2025 • بواسطة Abdelghany • #العدد 18 • عرض في المتصفح |
|
“We spend a lot time designing the bridge, but not enough time thinking about the people who are crossing it.” -Dr. Prabhjot Singh
|
|
|
|
خلينا متفقين إن أي مشكلة مطلوب ليها حل.. لكن إزاي الحل ده يكون مناسب للعميل وفي نفس الوقت إبدعي؟ |
|
هنا بيجي دور التفكير التصميمي اللي قادر يساعدك بخمس خطوات سحرية.. أهمهم التعاطف. |
|
وده من خلال إن الناس يكونوا محور شغلك.. وتعمل كل حاجه من منطلق حل المشكلة.. خلينا نبص من 3 نضارات ونحط عدساتهم كلهم في نضارة واحدة..(الناس عايزة أيه؟_نقدر نعملها؟_اقدر اكسب منها؟) |
|
خلينا بقى نرجع للإطار بتاعنا.. اللي بيبدأ بالتعاطف مع العميل وتتعرف عليه وعلى مشاكله.. وتطلع منه بوجهة نظر أو تعريف واضح.. ونبني عليه تصور أو أفكار.. علشان توصلك لنموذج مبدئي.. بعدها يلا بينا نجرب.. |
العالم x2 |
|
العالم بيجري بسرعة جدا حولينا ومنهجيات واضحة وبتجيب نتائج زي التفكير التصميمي مهمة علشان توصل لحل سليم وقوي لفترة طويلة من الزمن.. وكمان دي عقلية بتركز على إيجاد الحل للمشكلة مش المشكلة نفسها.. وبيكون شغال في حل المشكلات المعقدة اللي هي موجودة في العصر ككل.. |
|
لدرجة إن في كتاب أسمه "عصر مظلم جديد" من كتر الضبابية في العالم.. علشان كده هتلقى شركات كبرى بتستخدمه زي جوجل مثلا.. لانه بيوصلهم لـمرغوب ممكن قابل للتطبيق. |
أصبحنا في عالم الأفكار؟ |
|
التطور السريع اللي بيحصل حوليك سواء ذكاء أصطناعي حواسيب كمومية.. أو حروب تجارية بدل من عسكرية.. كل ده بيقول إن الهيكل كله بيرتكز على التجارة وأصحاب الصناعة الأجود والأقل سعر واللي بيحتاجها العميل بجد هما اللي مكملين وبيكسبوا مساحات أكبر وأكتر أجل إنها "الصين" ولو بصيت على الأبتكار بالتعاون العدد اللي نزلته من فترة هتلقى إن ضخ الأستثمار بقى دائما في إيجاد مساحات جديدة للمنافسة أو منتجات تكسبنا مساحة في سوق معين.. |
عزيزتي كلنا لصوص |
|
خلينا متفقين إن الأفكار بتتسرق يوميا.. وإن الأصالة متروكة ليك انت لأنتاجها وتحويل مسروقات لصبغة تشبهك وتنسب ليك مش لغيرك.. كتاب "أسرق مثل فنان" كتاب عظيم بيظهرلك طريقة صبغ الأفكار وإن الموضوع مكون من مجموعة عادات بتنتجها وتطور فيها.. |
|
وخليني أوعدك إن محاولات توليد الأفكار سواء هتستعمل التفكير التصميمي أو غيره هتتحسن لما تفهم إن عملية الابداع والابتكار عملية أي حد ممكن يعملها.. من خلال الممارسة في منهجيات زي التفكير التصميمي ما بيعمل أو القبعات الـ6.. أو التفكير الجانبي ألخ ألخ من طرق التفكير |
|
عارف اني مكملتش ليك التفكير التصميمي بس الجو حر وانا فرهدت فقول لأصحابك بقى علشان نكمل باقي سلسلة التفكير.. |
التعليقات