طب ماتجرب يا اخي.. بس بتمهل

شوقي لي أبيات جميلة يمكن تحس أنها متنفعش مع العصر اللي أحنا فيه بس تعالى نفكر في ده سوى بعد ما تقرأ

“ وَلَو تَأَنّى نالَ ما تَمَنّى

وَعاشَ طولَ عُمرِهِ مُهَنّا

لِكُلِّ شَيءٍ في الحَياةِ وَقتُهُ

وَغايَةُ المُستَعجِلينَ فَوتُهُ “

ونفكر سوى في كل التجارب اللي قدامنا دلوقتي.. واللي بنلاقيها مبنية على حاجتين دراسة تطبيق بس كل اللي مختلف أنه بيوثق ده ويظهره وطبعا ده بعيد عن الكوبي بيست اللي بنشوفه… وهنا هتلاقي أنه فعلا في تأني في الموضوع لأنك كل اللي محتاجه أنك تشجع نفسك بإظهار شغلك مش أنك تكتسح أو توصل لحته بعيدة..

“ركيزة”

حاول تجيب خلاصة التجارب وخلاصة التدريب والتطبيق في أي حاجه بتظهرها لان الناس بتحتاج تشوف رؤيتك أو ما يسمى بالفلسفة الخاصة.. هنا محتاج تعمل حاجه اساسي تجيب ورقة وقلم وتكتب لينا أيه ركائز عملك يعني أنا مثلا حطيت 3 قواعد وبحاول أعمل بيهم

1. البحث عن الحق واتباعه
2. التعلم وتعليم من حولي
3. الإصلاح ما استطعت أو الاعماروهنا اتفقت مع نفسي إن أي محتوى لازم يبقى فيه واحدة منهم على الأقل ويكون هدفي من اللي بكتبه أو أقدمه واحدة منهم

هل في استراتيجية معينة محتاج تتبعها؟

الحقيقة وانا بحاول اشوف يعني استراتيجية لقيت كتاب اسمه “عن الاستراتيجيات الكبرى“ طرح فيه المؤلف نمطين من التفكير الاستراتيجي مبني على فكرة “اشعيا برلين” واننا لازم نحاول نوازن بين الاتنين لأنهم بيكشفوا ليك زواية مختلفة قادرة تساعدك تعرف هتتصرف ازاي

وهنا أنت ممكن مع نفسك تفكر أنهي نمط أساسي وأنهي نمط موازي علشان تغير نظرتك للأمور كل فترة.. هل ده هينفع في التسويق أو الإدارة وخلافهم؟

الحقيقة مقدرش أعمل فيها خبير لكن على حد فهمي إن الاستراتيجية في النهاية جاية من الفكر العسكري ولما بنفهم في الطرق العسكرية أكتر بنساعد نفسنا نوسع أكتر وأكتر في قوتنا الاستراتيجية.. لإن في النهاية الاستراتيجية زي النضارة اللي بتنتقل من مجال لمجال فقدرة تخدمك كل ما عرفت قصص أكتر عنها وفهمت أساس لعبتها وأدواتك اللي تقدر توظفها

خليك في حوض السباحة قبل المحيط

لكن ممكن نيسرها بفكرة لطيفة بدل المحيط الأزرق جرب حوض سباحة صغير تتكلم فيه ساعات أصغر ثغرة في السوق بيكون فيها مكسب أكبر من محيطات زرقاء كتير.. ودي فكرة طرحها سيث جودين وهي أنك تشوف أصغر سوق حيوي وابدأ فيه لما توصله فكر إزاي تطور في المساحة بتاعته وهنا هو بداء يدي لنفسه اللون البنفسجي اللي جودين بيحبه علشان يتميز في السوق لكن وأنت بتعمل ده لازم تاخد بالك من حاجه معينة

عفوا.. أنتهت فرديتك وأصبحت قبيلة

لما بتاخد المساحة دي بيبدأ السوق يطلع ليك ناس ياخدوك قدوة ويتحركوا بيك فبيكونوا هما قبيلتك فلازم وقتها تكون مدرك موضوع القبائل حساس أوي لأنك بقيت مشترك مع مجموعة من الناس في حاجات كتير فمحتاج تحفز نموهم ومحتاج تديهم تعريف ومقومات علشان يبقى ليهم شكل واضح قدامك محتاج تخلق رابط عاطفي أنت حرفيا بتفهم يعني أيه بيرسونال براندينج بأحتكاك ده مع الناس لأن كل أفعالك بتنعكس عليهم وليها تأثيرها وقيمك ونوايك لو مش منضبطة في حاجات كتير هتخسرها علشان كده لازم تبقى حذر وصادق مع نفسك وقيمة الصدق هي اللي مكنت لاري كينج المحاور العبقري أنه ياخد محبة الناس ويمكن هي من أول النصائح اللي حطها في كتابه

لا تقع ضحية للمحتال..

غالبا دي اكبر مشكلة بتقابلني الفترة دي.. لكن خليك مؤمن بنفسك قدر الأمكان وأتعلم من الناس الشاطرة إزاي بيخرجوا من متلازمة المحتال لانها بتاكل مجهودك وسعيك وبتحسسك بعدم الاستحقاقية لأي حاجه

بس كده أتمنى تبعتلي على الواتساب موضوع نكتب عنه +201119363736 وشيرك بيفيد غيرك