نشرة النظارة البريدية مسيريات - العدد 3 مسيريات "بناء النماذج والتعمق فيما حولك" |
| بواسطة Abdelghany • #العدد 5 • عرض في المتصفح |
|
المسيري... صديقي العزيز
|
|
|
محاولات لفهم بناء النموذج.. |
تجربة لابد منها |
|
لو أنت زيي وجربت تقرأ للمسيري طبعا مع حفظ الألقاب... هتلاقى أنه راجل واضح في إن لازم يكون عندنا "نظارة" أو زي ما هو بيقول "النموذج" ونماذجنا الخاصة الخاصة بتخلينا نبعد عن فكرة الإمعه.. وممكن تبحث حديث النبي صلى الله عليه وسلم عن الإمعه علشان تفهم أكتر |
|
وللأسف النموذج الخاص صعب خاصة لو أنت مش موجه أفكارك لموضوع معين شغلك.. |
|
ما قبل الفهم |
|
بس خلينا متفقين إنك لازم متتعرضش لأي حاجه سواء ظاهرة "ترند" أو نص أو أو.. بعقل زي الصفحة البيضاء.. لكن لازم يكون عندك مسلمات كلية ونهائية... وأنماط أو مشكلات وتساؤلات عن الحوار كمان... |
|
ده بيخلي من عملية التلقي شيء إيجابي اكتر لانك مسلح واللي معروض عليك مسلح فبتعمل صراع رعاة البقر ده وتلف مسدسك الساقية وتجرب حظك والقس بيطير قدامك... وده بيخلي بينك وبينه فعلا المسافة اللي تخلي الرصاصة متجيش فيك أو في النص اللي قدامك... بكده أنت عملت مرحلة "ما قبل الفهم" وقادر تنقد النص أو الظاهرة |
الفهم: تفكيك الظاهرة |
|
"صياغة النموذج في جوهرها عملية تفكيك الظاهرة (أو النص) وإعادة تركيب لها" |
|
- عبدالوهاب المسيري كتاب "دفاع عن الإنسان" فصل حول المنهج ص 326 |
|
عملية التفكيك دي بتبدأ أننا زي ما يشوفها "نفصص الرمانة" وهي أننا بنفك الظاهرة دي لوحدات منفصلة عن بعضها البعض.. بعدها بنعزلهم عن الزمن والمكان بتاعهم وهنا بيقدر يشوف رابط أوضح بسبب التفاصيل اللي لتظهر وقت تجريدها.. وبعدها بنربط الوحدات الصغيرة دي ونعمل منها مجموعات كبيرة... بعدها نجردهم تاني ونوفق بين المجموعات زي فكرة اسئلة التوصيل.. |
|
ونستنبط التشابه والاختلاف بينهم... وهنا هتبدأ تفهم الموضوع بطريقة عميقة أكتر وكلامك العام هيبقى محدد أكتر.. وتبدأ ملامح النموذج بالظهور... بس محتاج تبقى في كامل تركيزك علشان تقدر تجرد صح |
|
المقارنة الإيجابية |
|
نبدأ دلوقتي المقارنة بين الأنماط (تفصيلية وإشكالية) وأنماط تانية من بره الظاهرة.. ودي طريقة بتوصل بيها لنمط قادر يصنف ويفسر بشكل أعلى... |
|
يا ترى حابب ننزل الجزء الثاني؟ هكون في انتظار اجابتك |
|
نلقاك بخير 🤍 |
أيقونة التفكير والتطبيق |
التعليقات