مابين الغرابة والأُلفة 💿

ياهـلا ومرحبا بكل الأجيال المخملية من السبعينات للتسعينات والألفين لايزعلون علينا🫣

— بكل حُقبة من الزمن يطلع لنا شيء غريب في بداياته، وبعد فترة يصير مألوف وحتى أنه يصير جزء من نمط حياتنا! زي مثلًا:

▫️العمل من البيت قبل ما كان معروف ومن كورونا صار مألوف

▫️ التدوين قبل يُعتبر من أدب الاعترافات والآن صار مألوف ويستخدم كعلاج وتفريغ وتحليل للذات

▫️التواصل قبل كان من خلال المسن إذا تتذكره، ولما طلع الواتس توقعناه عابر وبينتهي لكنه صار نمط حياة ووسيلة ما نستغني عنها.

ولو بنعدِّد من هنا لساعة ما راح تنتهي الأشياء اللي قلنا عنها غريبة لكنّها الآن جزء من حياتنـا🌿.

—✨

بالسبعينات تحديدًا ما كان مُتاح عندهم إلا أجهزة الكومبيوتر الكبيرة بالجامعات "بعد مو بالبيوت" وآلة الطباعة.. وفي نهاية السبعينات ظهر اللابتوب المحمول💻.

والأدهى والأمرّ .. ما عندهم انترنت!

متخيلين صعوبة الحياة لما يتوقف النت في بيوتنا الآن؟ كيف بحقبة ما فيها هذه الوسيلة أساسًا؟

وكانوا يتناقلون كل شيء مهم فيما بينهم بالأقراص المرنة -الأشرطة- فوضعهم قبل كان عصيب بصراحة، لكن رغمًا عنه ظهروا ومو أي ظهور!

— شوفونا اليوم نتكلم عنهم وهذا دليل على أنهم كان يحققون أهدافهم من رحم المعاناة فعلًا، احنا اليوم في نعمة كبيرة وكل الوسائل متاحه عندنا وكل سبل العمل متوفرة قدامنا حتى أن الشخص فينا أقل شيء عنده 5 أجهزة في وحوله البيت غير النت بجواله بس!

— المهم🙂‍↔️

نكمِّل لكم مين ظهر عندهم ظهور استثنائي، بشيء الآن مانستغني عنه، وسيلة نتعلم منها مرّة ونكسب منها مرّة..

اتكلم عن "ميشيل سايبر" واللي ظهر لهم بأول كتاب رقمي⭐️.

كان هدفه فيه أنه يعزز التراث الثقافي وينشر الأدبيات للجميع مجانًا ونقصد بالأدبيات (العلوم والفلسفة، الشعر، التاريخ…)

وفي فترة التسعينات هذه الكتب الرقمية انتشرت بسبب أن الإنترنت صار موجود -ياحلو التسعينات بس جايين بالخير-🥹

الزبدة نقول لكم موضوعنا بهالنشرة علمناكم عنه في منتصفها واللي هو "الكتب الرقمية" لأن هذا الوقت المناسب، لأنك تعرف وش نتكلم عنه، لو قلنا لك بالبداية ممكن ما تكمل وتعتقد الموضوع تافه لكني جذبتك إلى هنا عشان أبي أعلمك أثرها في حياتنا اليوم👏🏻

وأنها من سنين ضوئية ما طمسن وجود الورقية أبدًا ولا بيصير هالشيء لو ايش، لأن لكل شيء بالحياة دوره وأهميته وفئته يعني مهما جاء شيء غريب بيظل في ولاء عند فئة كبيرة لشيء آخر..

—✨

وجود الكتب الرقمية اليوم بشكل مجاني ومدفوع سهّل الوصول للمعرفة والعلم بشكل أيسر وبدون قيود، وما صار أحد ينتظر يروح المكتبة عشان يشتري كتاب جديد أو يشترك بدورة بمبلغ وقدره؛ عشان يتعلم مهارة جديدة.. وبضغطة زر قادر يقرأ ويروح لعوالم مختلفة، وعلوم متنوعة، وثقافات جديدة، ومهارات غير اعتيادية، وتشمل كل أفراد المجتمع!

والجميل فيها الروابط التفاعلية اللي تسهل الانتقالات ..🚀

— بتقول ليش يازولية تتكلمون عن هالموضوع الان تحديدًا ؟!

لأننا نبغى نزيد الوعي بالمنتجات الرقمية والكتب على وجه الخصوص، ونبغى نوصل رسالة لكل شخص عنده مهارات ماطلّعها للعالم، ولكل مؤثر عنده رسائل تفيد غيره من جيله، ولكل متعلم عنده كم هائل من المعلومات..عندك مهارة علمها غيرك!

ولو عندك حساب مثالي وتملك أسلوب إبداعي لتوصيل المعاني جهِّز لك ملف مجاني ولا مدفوع بمبلغ معقول وانشره وعلمهم هالعلم، وفيه كثير مواضيع بجوانب مختلفة تستهدف فئة من المجتمع مثل:

▫️مواضيع الذكاء العاطفي، كيف توازن طاقتك، كيف تحسب البروتين والكارب وكيف تتمرن صح كمبتدئ، كيف تسوي نمط غذاء صحي، كيف ترسم أهدافك، كيف تطلب من المواقع الصينية، كيف تأسس متجر…

–– وكل (كيف) عندك، تلقاها عند غيرك (ليش) والعكس صحيح، المهم يكون مبني على أمرين أساسية!

١- خلّ نيتك خالصة لوجه الله

٢- لا تطالع برزق غيرك، وصدقني ربي بيفتحها بوجهك من حيث لاتحتسب

استثمر في نفسك وزكّي علمك وانشر الإثراء وين ماكنت ولاتتعذر بالوقت أو حتى الظروف وخذ جيل السبعينات بالاعتبار هنا؛ ما كان عندهم انترنت يعني معدل الانتشار مو ضئيل وبس! إلا معدوم.

أما ميشيل كان عنده هدف يسعى عشانه واشتغل وحاول ونشر علمه بالأقراص المرنه وحقَّق هدفه وأخذ من الظروف جسر للوصول ! 🎈

ما قال مافيه نت خلني انتظر حتى تجي حقبة التسعينات وابدأ.. وييييين احنا!!

اصحى على نفسك تراها سنين وأيام من عمرك كل اللي تحتاجه عقلك وبس وورقة وقلم ترتب فيها اللي قاله لك عقلك وكانفت ينفذ المهمة لك بأفضل شكل ومجانًا بعد متخيل؟

—واللي يقولون تخيل تنام ويجيك فلوس تراهم صادقين لكن بشرووط وعمل سابق أكيد، وهذه الطريقة علمناكم إياها لأن سرنا وااااحد🫡♥️

وبالمُناسبة متجر زولية فيه المجاني والمدفوع طب وتخير باللي يناسب مرحلتك

https://salla.sa/write_zulia 

وهذا هو متجرنا، ننصحك حاليًّا بكتيب التدوين لأنه مجاني لفترة محدودة🚨

— والحيين يلا في حفظ الله ورعايته إلى أن نلقاك في القريب، نبغى نلاقيك بدأت بالخطوة الأولى وإلا بنجيك بالعصا🙄🤎.

▫️اصبر قبل لا تروح!

لا تنسى تشاركنا طقوس قراءتك للنشرة على الـ X، وننتظر منك تصير نقال علوم وتعلمهم وش سالفة السبعينات؟ وتشاركنا بعدها فكرة منتجك الجاي😉