🪢 لا ترخي الحبل ما راح تلقى من يشده

يا هلا وسهلا🤝

اليوم موضوعنا عن عدو خفي يتسلل لحياتنا بدون ما نحس وهو  "التسويف" ⏳

ضعف التركيز… التشتت… ضياع الهدف… كلها أعراضه، ولو ما سيطرت عليه، بتلقى نفسك تركض بس ما توصل 👀

__ جب كوب قهوة، وخلنا نصارحك ☕️..

 فخ التسويف 🐍

 كم مرة تأجل البداية وتقول  "بكرة أبدأ".

وأنت تدري أنك لو بدأت بخطوة صغيرة وبسيطة راح تنطلق ولا يردك غير تحقيق الهدف بإذن الله  وعلى فكرة من أخّر اليوم ضيّع بكرة حطها قاعدة عندك🫵🏻

والمصيبة الأكبر اللي تخلينا نطيح في الفخ هي غياب الوضوح تشتغل بدون خطة ومهامك عشوائية 

اللي ما يعرف وين رايح يضيع حتى لو عنده أسرع سيارة 🚗

تعرف ملهي الرعيان وقصته ؟ بتصير مثله إذا تركيزك وانتباهك مشتت تضيع بين جوال، إشعارات، سوالف وبالنهاية تفتح بابك للناس ورزقك ما تلحقه 🥲

تسمع بمقولة الكمال لله وحده ؟ 

الكمال المبالغ فيه وأنك تصير مثالي قبل تبدأ يضيع عليك الوقت جينا على الدنيا مو فاهمين وعلمتنا الحياة وهذا الصح فا ترك عنك الكلام الفاضي 🪄

باالنهاية أي شخص يشتكي من التسويف نقول له ترى ما يجيك فجأة، هو عادة تتسلل لين تسرق منك عمرك ولو ماتمسكت بالحبل (الانضباط) ، ما راح تلقى من يشده عنك.

✨من اليوم:

• حدد هدفك.
• قسم مهامك.
• التزم بخطوة كل يوم.

سؤالنا لكم في منصة X 🐦:وش أكثر عادة خلتك تأجل وتسوّف؟ وكيف قدرت تتغلب عليها؟

على فكرة نوصل صوتك لأبعد مدى وأنت ملهم ومنك نستلهم قبل غيرك .. شاركنا إبداعك وخلنا نقرأ لك في نشرة زولية البريدية الجاية 🤎.