ليش ما تصير صياد؟ 🎣

وأنا في معمعة الحياة تساءلت ليش ما نكون صيادين؟

الخير موجود والقدرة موجودة، والله يرزق كل شخص يتعب ويسعى وكل انسان فينا يقدر يكون أشطر صياد يتكلمون عنه كل البحّارين

بس لااا مو شرط تكون بالبـــحــر وتصطاد 🌊

هه أجل وشلون بنصيد بدون بـحــر؟ 😶

أنت سلّمك الله بتصيد فرص تطورك وتزيد من نموك والفرص حولك وحواليك مو بالبحر، ريـّـح وروّق! وخلنا نشرح لك كيف تصنع الفرص ثم تصطادها ثم تعيشها صح

أول شيء شيل من بالك اعتقاد أنه بيجي يوم بدون مجهود ويغير حياتك فوق تحت هذا طبع الضعيفين المُحبطين وما ندانيه < الترجمة: ما نحبه🫢

قرِّر وخلّ نيتك بالله خير أنك تتوسع، تتعلم، وتكون فطن لمجريات هالعالم ووين بيروح

الفرص عشان تصنعها لازم تكون عندك مهارات ناعمة مثل: الذكاء الاجتماعي، والعاطفي، وحسن المحاوره وحسن الاستماع، والفطانة في حل المشكلات واتخاذ القرارات

ليش؟

عشان تكوّن علاقات، الناس للناس وربي يسخرنا لبعض حتى كل شخص فينا يوصل لغاياته (وهنا مرحلة صناعة الفرص واللي هي تهيئة الذات )

بعدها اختر لك مهارة تسوق لنفسك فيها..طباخ، رسام، مصمم فنان، كاتب زمانك، صوتك حلو، محاور ذكي، مبرمج خطير، عندك فن بإيصال المعلومات

المهارات بحر بحر فتش في هالبحر عن المهارة اللي تشوف نفسك فيها وطورها إلى أن توصل لمرحلة تقدر تنفع غيرك من هالمهارة - يعني تحولها لخدمة تجيب لك دراهم💸 -

(وهنا يا صاحبنا جهزت العده وصار عندك الشيء اللي تقدمه)

لا تفرط لا في منصة من منصات التواصل الاجتماعي ولا في أي عرض وظيفي؛ أقدِم ولا تخاف، اطلع للدورات وللمؤتمرات ولكل مكان فيه تجمُّع لناس فنانة زيك

أثبت نفسك وسوق لمهارتك بذكاء عامل نفسك كـ (براند) ودك الكل يثق فيه

خلّ كل شخص يشوفك يتذكرك ولا ينساك لأن حضورك مميز، قوي وشاطر بلغة الجسد اللفظية وغير اللفظية (هنا أنت في مرحلة اصطياد الفرص)

شفت الشخصيات المؤثرة؟ اللي راحوا عن الحياة بس لليوم نتذكرهم بإنجازاتهم وشخصياتهم اللي قدرت تأثر وتغير بناس كثير، تراهم أثبتوا نفسهم وسوقوا لمهاراتهم بشكل مقنع وفنان ولفتوا انتباه هالعالم لهم

تراك مو ناقص عنهم شيء! اجتهد وحاول لين تخشاك هالمحاولات وتفتح لك أبوابها وتوصل لمبتغاك

تعال على جنب وهذا سر بينا ما يطلع🤫⤵️

بنعلمك تكتب محتوى المواقع الإلكترونية ونبيك توعدنا تسوق لنفسك وتوصل لعشرات العملاء، نبيك توصل للمرحلة اللي تجدول قائمة العملاء عندك وتتنقاهم نقوه

تقدر تاخذ الكتاب من هنا ⤵️

بوصلة الكاتب

وتراه بـ ٩٩﷼ وفوق ذا العرض كود لعيونك يخصم لك زيادة ( 6zz ) شيّك عليه بنفسك وشوف السعر اللي ما يجي بالبال🫢

هذي فرصة قدامك إن كنت صياد صدها ولأنها فرصة ما نظن تطول

وصّل هالنشرة لأصحابك ولا توقفها عندك✨

كاتبة النشرة تقول لك: كتبت النشرة على الساعة ٣ الفجر ومعي قهوة سعودية تطرب الدماغ .. دعيت لك ياللي بتقرأ النشرة الحين أن الله يفتحها في وجهك وين ما حلت خطاويك وأن ما يضيع لك تعب ولا يخيب رجاويك♥️

دُمت بخيـر وشاركنا طلّتك اللي مالنا غنى عنها بالاكس🫶🏻