نشرة Manal البريدية - العدد #3

مرحبًا بكم في نشرتنا الثالثه  في السابعه مساء من كل ثلاثاء بتوقيت الرياض ❤️ 

بعلمك أسرع طرق تجهيز المحتوى في آخر لحظة!

اهلاً ..أنا منال 

كلنا مرينا بهالموقف… فجأة تنتبه إن وقت النشر جا وأنت ما جهزت شيء! لا تشيل هم، عندك خمس حلول سريعة تطلعك من الموقف بدون ما تخرب جودة المحتوى:

1️⃣ أعد تدوير محتوى قديم

خذ منشور ناجح لك، وغيّر زاويته شوي، أو حوله لتصميم بسيط، أو حتى ثريد سريع.

2️⃣ استخدم قوالب جاهزة

سواء تصميم أو نص، القوالب الجاهزة (مثل Canva أو ChatGPT) بتوفر عليك وقت وجهد.

 3️⃣ شارك فكرة أو موقف سريع

مو لازم يكون المحتوى معقد! اقتباس، درس تعلمته اليوم، أو حتى لقطة من شغلك اليومي بتفي بالغرض.

 4️⃣ استخدم المحتوى التفاعلي

استطلاع رأي، سؤال سريع، أو "وش رايكم؟" تكفي أحيانًا تحرك التفاعل بسهولة.

 5️⃣ صوّر فيديو سريع

لو حساباتك نشطة على إنستقرام أو تيك توك، ريل أو ستوري 15-30 ثانية ممكن يكون أسرع وأسهل من كتابة منشور.

لا تخلي التأخير يعرقلك، الفكرة إنك تقدم قيمة حتى لو بشيء بسيط!

إنت وش تسوي إذا تأخرت بالمحتوى؟ رد علي خلني أسمع طريقتك!

تحياتي،

Mbymanal