نشرة Manal البريدية - العدد #2

مرحبًا بكم في نشرتنا الثانيه  في السابعه مساء من كل ثلاثاء بتوقيت الرياض ❤️ 

هلا والله.. أجواء المطر اليوم  عطتني مزاج حلو لتجهيز اكثر من نشره ..

بنسولف اليوم عن كيف تقدر تكسب ثقة جمهورك ..

الثقة اليوم صارت هي المفتاح اللي يفتح لك قلوب الناس.

وجمهورك كل يوم يشوف قدامه ألف خيار من الحسابات في نفس مجالك

لكن السؤال هو: ليش يثق فيك أنت بالذات؟

السر بكل بساطة إنك تعرف كيف تكسب ثقتهم وتخليهم يشوفونك مصدر أمان وصدق.  

بقولك أمور بسيطه من خبرتي  5 خطوات سهلة وبتفرق معك و تساعدك تبني ثقة جمهورك:

1. كن واضح وصريح: 

   والأهم لا توعد بشي ما تقدر عليه. قول الشي مثل ما هو، بدون مبالغة، وخلّك صادق دايمًا.  

2. كن شفاف كيف ..؟ 

إذا صار خطأ، اعترف فيه ولا تلف وتدور. وضّح شلون بتصلح الوضع وخل الناس تشوفك محترف.  

3. اسمع للناس:

   رد على التعليقات والرسائل، وخلك قريب من جمهورك. إذا حسوا إنك مهتم فيهم، بتزيد ثقتهم فيك.  

4. شارك قصص نجاح:

   قول تجارب ناس تعاملوا معك قبل، وحبوا شغلك. الناس تثق أكثر لما تشوف تجارب حقيقية.  

5. قدّم فايدة باستمرار: 

   عطهم محتوى يهمهم، نصايح، أو حلول لمشاكلهم. خلك موجود دائمًا وتقدم لهم شي يستفيدون منه.  

وفي النهايه .. بناء الثقة ما يجي بيوم وليلة، لكن لو لعبتها صح، جمهورك بيصيرون مو بس متابعين، بيصيرون جزء من نجاحك.  

وش تسوي أنت عشان تكسب ثقة الناس؟ شاركنا طريقتك، أنا  ودي  اسمع  منك! 

نشوفكم في النشرة الجاية!

تحياتي  

منال 🫶🏻