شهر رمضان المبارك وصناعة المحتوى

سلام الله عليك يا رفيقي 👋🏻

كيف حالك اليوم؟ أتمنى أن تكون بخير 🤲🏻

هذا هو رمضاني الثالث وأنا أنشر محتواي الشخصي على الانستغرام، والخامس كشخص يعمل في هذا المجال بحب غير مسبوق! (ما بعمري حبيت الكتابة قبل عام ٢٠١٧ 😅).

حسناً، بدي خبرك بهالايميل كيف كان رمضان أكثر شهر أُنجز فيه مهامي وعملي طوال السنة.. وما بخفيك كان الموضوع محيّرني قبل أسبوع، ليش إنتاجيتي رهيبة بهذا الشهر رغم أني صائم ومو شارب فنجان النسكافيه الصباحي؟!

راقبت سلوكي بهذا الأسبوع وعرفت الجواب، بالأيام العادية كثير بتحرّك لأبحث عن -سناك- آكله أثناء العمل، لكن في رمضان أنا صائم فـ حركتي بتكون أقل عادةً. وهذا عدا موضوع الهاتف والسوشال ميديا..

قبل سنتين قررت أقلل استخدامي للجوال والسوشال ميديا في رمضان وتحديداً بالنهار؛ ولذلك كانت انتاجيتي عالية بهذا الشهر الكريم.. وهذا اللي رح اعتمده هي السنة كمان لإنجاز عملي.

لذلك، بنصحك تجرب تبعد جوالك عنك في رمضان وتلتزم بشغلك وتركز على مهامك اليومية خلال النهار، ورح تلاحظ الأشياء اللي كنت تنجزها بساعتين بتصير تنجزها بساعة أو أقل..

وبالمناسبة، قبل سنتين عملت كتيب صغير اسمه "هندسة المحتوى" عملت له تطوير ليكون كتاب صغير ودورة تريبية خاصة بصناع المحتوى المبتدئين ليحسّنوا من عملهم وحضورهم على الانستغرام ولتكون من أوائل الأشخاص اللي بيحصلوا عليه سجَل بالقائمة 👇🏻