نشرة هبه حلبوني البريدية - العدد #13

صباحك خير وبركة ولطف من الله🤍كيفك اليوم 

أنا بشكر ربي إنّي عم صير أفضل ومتأكدة رح صير أفضل مما كنت عليه،وهلأ حابة شاركك معلومة تعلمتا من زمان هلأ بدرس الزلزال عم تفرض نفسا،ويلي هي استراتيجية الإتّزان

أنا مو عالمة بيولوجية بس يلي بعرفه انه الأرض لما اهتزت هي ببساطة عم تحاول تتزن وهي وقتا عم تحاول تعمل شي يحمينا،ويلي سبب هالأضرار البشرية والمادية كان الإنسان

أكيد حتسأل كيف؟وجوابي هو سوء العمران….وأنا هون مو قاضي لحدد المتّهم، أنا رح شاركك شعوري وشو تعلمت

منرجع للإتران، في 8 جوانب من حياتك انت كبشر مسؤول عنها ومفروض تهتم فيها وتوفّق بينها وتعطي كل جانب حقة،لأنه بإهمالك لأي جانب أنت لاشعورياً عم تأثر سلباً ع بقية الجوانب،وبالمقابل محافظتك على الإتزان يزيد من نجاحك،واستمراريتك وانت مرتاح ومُشبع داخلياً 

1:الجانب الروحي،2:الجانب العقلي،3:الجانب النفسي،4:الجانب الجسدي،5:الجانب الأسري،6:الجانب الإجتماعي،7:الجانب المهني،8:الجانب المالي…..أنا واثقة إنك انصدمت،بدي اسألك أديه بتهتم بكل هالجوانب خلال يومك أو حتى أسبوعك أو شهرك،يمكن حتى نحنا كنا محتاجين هزّة لنوقف ونفكّر ونراجع أنفسنا ونشوف شو يلي مستاهل نكمّل فيه وشو يلي لاء،ووقتا رح توقع الأبنية يلي مو ثابتة ومدعّمة بحياتك ويلي أساسه قوي رح يكمّل….

اهتم بنفسك 🤍 واصنع لها يوماً سعيداً