نشرة هبه حلبوني البريدية - العدد #12

صباح مختلف جداً مع انه بيشبه الصباحات الروتينية قبل 06/02/2023،طلبت من ربي كتير انه يرجع لأنه كان من أكبر النعم علينا يلي اعتدناها وصارت مألوفة،بدأً من هاللحظة يلي عيونك فيها عم تشوف كلماتي وعقلك عم يفهما وقلبك عم يستشعر هالنعمة وروحك عم تحمد الخالق….انت معجزة وحياتك معجزة وترتيبات رب العالمين فيها معجزة ومعجزات الله يلي مو قادرين نفسرها ونعطيها سبب رح تبقى موجودة طول ما الحياة بهالكون مستمرة (( مانسميه نحن معجزات في القرآن الكريم للأنبياء هي آيات ، فقط للتوضيح))

ولتقدر تستشعر النعم فيك وحولك وتشكر ربنا عليها تعامل مع حياتك بكل لحظة فيها على أنها معجزات من الله حتى ماتعتاد، الحقيقة الكبيرة يلي أدركتها بعد الزلزال أنه نحنا ماعنا إيمان كافي بالله وبحاجة نعرف عظمة الخالق أكتر و نتواصل معه صح والدليل انه للآن الأغلب اضطراباته النفسية موجودة

الإيمان بالله وحده يجلب السكينة والأمان وراحة البال والطمأنينة يلي كانو موجودين عن أغلب الناس يلي طلعت حيّة من تحت الأنقاض من كبار وصغار،كانوا واثقين من الله وحده (مو بفرق الإنقاذ) بأنه يخلقوا من جديد،وواثقين أنه مارح يموتوا جوع وعطش وبرد،كانوا بعناية الله واستشعروها،وأيقنوا معنى ((كل يوم هو معجزة)) 

💜 ابتسم واشكر الله على حياتك المليئة بالنعم والمعجزات 💜