نشرة هبه حلبوني البريدية - العدد #8

مع إشراقة شمس كل يوم بيتردد داخلنا شعور بالعجلة لازم نلحق عنا كذا وكذا وكذا، منصحى بشعور خفقان القلب والتوتر وان صفارة البدء بالماراتون أُطلقت والناس سبقتنا ونحنا لسا مكاننا،أغلب وقتنا عنا استنفار وعدم تركيز وبدنا نمشي بسرعة كبيرة ونحقق خطوات كتيرة ونكدّس مهام لنشعر بالإنجاز وانه نحنا متلن نحنا مستنفرين ومستعجلين،انتظرونااااا ليكنا وصلناااااا

ياترى انت شخص عايش هالحالة؟اذا إي،فبدي قلك خود نفس واتطمن مارح يفوتك شي،التسارع يلي عم يصير بالحياة وحالة عدم الرضا يلي عم تصيبنا بسببها، أغلب الناس عم تشعر فيها،وأغلبهم كمان صار عنده نفور من شخصيته لأنها ماعم تحقق الشي المثالي يلي المجتمع بده ياه،علماً انه الكل ناقص.انت مانوجدت على هالأرض لتسعى تحقق نظرة الناس والمجتمع وتقييمهم،انت موجود لتعرف ذاتك وتميّزك وتخلق تجربتك الفريدة لأنك مابتشبه حدا،لاتسعى انك تشبه حدا

بدي اطلب منك تحسس قلبك اليوم بالأمان والهدوء وان الله ماأنزلنا على هالأرض لنتسابق ع مكان واحد وقيم وحدة،لكلٍّ تجربته،بتمنى منك تخصص اليوم ساعة ونصف لتحضر الورشة الموجودة بحسابي(اكتشف شغفك واصنع محتوى)وتقعد مع حالك وتحاول تسمع روحك شو عم تقلك هي بحاجتك بهالوقت جداً .

طلب أخير تعرّف على حالك،حتى الناس تعرفك،قدّر ذاتك وتجربتك وحياتك وشخصيتك لتشوف انعكاس هالشي بعيون الناس حواليك،لاتنتظر تقييمهم على أسسهم،خلي الك أسس وقوانين 😉

بيسعدني جداً شوف رسائلكم على الخاص ضمن الانستغرام،وكون جزء من يومك 

وهلأ بتمنالك يوم سعيد هادئ 💕