أمانك المالي أولوية

  في حديث مع أحد الأصدقاء يشاركني قصة تحول مالي كبير صار في حياته..  بعد النمو المهني والعمل في شركات وجهات كبرى لسنوات .. توقفت العجلة وأُنهي عقده وكل شي انقلب رأسا على عقب لأنه ما كان جاهز لتحول من هذا النوع.

صار من المعتاد في السنوات الأخيرة إننا نسمع قصص مشابهة، بسبب تغير الشكل الاقتصادي اللي تعمل فيه الشركات، والتغيرات الاقتصادية السريعة اللي نشهدها.

أنا نفسي عشت تجربة مشابهة مرتين في حياتي المهنية، والسؤال اللي يطرح نفسه… هل أنت مستعد لهذا الشي لما يصير معاك؟

كثير يتكلموا عن الحرية المالية، وأنه لازم تكون مليونير، أو لازم تترك وظيفتك وتصير مستقل أو رجل أعمال، ولو جينا للواقع ٩٥٪؜ مننا ما يقدروا يمشوا في هذا المسار، وللأسف بسبب عدم قدرتك على اتباع نصيحتهم، تشعر بالإحباط وتحس انك حبيس حياتك الوظيفية وما عندك خيار إلا أنك تقبل بواقعك المقلق، وكل يوم خوفك وقلقك بيزيد خصوصا مع اقتراب موعد تجديد عقد العمل.

أنا بعطيك خيار ومسار ثالث، أنت مو لازم تكون مليونير وصاحب بزنس ناجح، وأيضا مش لازم تكون موظف تقليدي عايش شهر بشهر وتتحمل أشياء على حساب صحتك وحياتك.

أي واحد مر بتجربة ترك الوظيفة بشكل مفاجيء أو شاف أحد حوله مر بهذه التجربة بيلاقي إن الموضوع كان أزمة بسبب ثلاث حاجات أساسية:

١- المدة اللي يقدر يعيشها بدون دخل ثابت: وهذا أهم عامل في أمانك المالي، كم الفترة الي تقدر تعيشها لو توقف دخلك اليوم ؟كل ما كنت مدة أمانك المالي أطول كانت راحة بالك وسلامك الداخلي أعمق.الفترة بين الوظيفة والوظيفة تتفاوت بحسب الوظيفة والبلد والقطاع لكن لو عندك قدرة تعيش ٦ شهور فأتوقع أنك حتكون مرتاح البال جدا في حياتك اليومية وما حيكون عندك هاجس ترك الوظيفة.

٢-تعدد مصادر الدخل: وهذا المحور كل ما كان حاضر في حياتك، وصار عندك مصادر جانبية ولو كانت بسيطة وما تشكل إلا جزء يسير من مصاريفك، حيكون عندك راحة بال كبيرة، لانك حتكون مطمئن بأن المصاريف الأساسية حتكون متوفرة.

٣- الوعي وطريقة التفكير: كل ما كنت واعي بواقعك كموظف ومدرك لطبيعة العلاقة التعاقدية بينك وبين الجهة اللي تعمل معها ، حيتاثر سلوكك بشكل قوي، حيكون تعاملك مع المال والراتب بطريقة أكثر حكمة وما راح تكون مسرف وحيكون عندك ذكاء في التعامل مع المال بالادخار والاستثمار، وتعاملك مع نفسك لتطوير مهاراتك وتطوير ميزاتك التنافسية حيكون أقوى وأكثر جدية.

تجربتي وتجارب غيري حفزتني إني أركز على كوتشنج الوعي المالي وتقديمه بشكل مبسط للناس المهتمة تغير واقعها المالي بطريقة عملية دون أحلام الثراء السريع أو المخاطرة بكل شي دون وعي بالعواقب، والحمدلله كان مؤثر في حياة عدد من المستفيدين.

إذا كنت مهتم في تغيير واقعك، وحاب تعيش حياة أكثر اطمئنانا في الجانب المالي، تواصل معي من خلال البريد الإلكتروني وسأكون سعيد بمساعدتك.