نشرة dronecode البريدية - العدد #19

استخدامات الدرون والتقنية في الزراعة

في وقتنا جالسين نسمع كثير عن التقنية والتحول الرقمي، قديكون صادم للبعض لمن أحد يتكلم عن الزراعة وانها بتكون جزء من هذا التحول، بس صارت. الزراعة اليوم مو زي قبل، وما عاد ينفع نشتغل بنفس الطرق القديمة. التربة نفسها تغيّرت، المواسم تغيّرت، والمزارع صار يحتاج يعرف أكثر ويقرّر أسرع. هنا يجي دور استخدام الدرون والتقنية.
 تساعد تراقب، تحلل، وتختصر مشوار طويل بخطوة وحدة. وفي السعودية، اللي تمشي بخطى سريعة نحو الاستدامة والاكتفاء والتقنية، وجود أدوات زي الدرونز والذكاء الاصطناعي صار مهم.

طيب السؤال هنا ايش يسوي الدرون فعليًا ✈️

اللي يشتغل بالزراعة يعرف إن الوقت والمعلومة مهمّين. وهنا يبان الفرق. الدرون اليوم يقدر يساعد المزارعين في أشياء كثيرة ما كانت ممكنة إلا بجهد كبير ووقت طويل وصعب. مثلاً:

1. مراقبة المحاصيل (Crop Monitoring & Scouting)

الدرون يطير فوق الحقل، وياخذ صور متعددة الأطياف (زي الـNDVI) تكشف الحالة الصحية للنبات، هل فيه أماكن نموها ضعيف؟ النبات بدأ يذبل؟هل في آفة قاعدة تنتشر؟ كل هذا تقدر تلاحظه من بدري 🔍
 النتيجة؟ تتفادى الخسارة، وتوجّه المعالجة فقط للمناطق اللي تحتاج.

2. الرش الذكي (Smart Spraying)

هذي من أكثر الاستخدامات انتشارًا. الدرون يرش مبيدات، أسمدة، أو حتى مبيدات أعشاب بدقة، فيحدد المنطقة بدقة (ما في رش عشوائي) و يطير على ارتفاع ثابت وكمان يضبط معدل الرش حسب الحاجة
 ليش مهم؟ لأنك تقلل التكاليف، وما تعرض عمالك للخطر، وتمنع الهدر بنسبة توصل 30%.

3. تحليل التربة والريّ (Soil & Irrigation Analysis)

بعض الدرونات تشتغل مع مستشعرات أرضية أو أجهزة تحليل مدمجة، وتقدر توضح لك رطوبة التربة أو درجة الحرارة أو توزيع المياه . التغير في التركيب الكيميائي 💧
 النتيجة؟ تقدر تخطط الريّ بشكل أفضل، وتعرف متى ومكان التسميد، وهذا يوفر مياه كثير خاصة في المناطق الجافة.

4. التصوير الجوي وصناعة الخرائط (Mapping & Surveying)

الدرون يصور الحقل بشكل كامل، ويعطيك خريطة 2D أو 3D فيها خطوط النمو، حدود الأرض بدقة، واختلاف التضاريس 🗺
متى يفيدك؟ وقت تخطيط الزراعة أو التوسعة، أو مقارنة موسم بموسم.

5. الكشف المبكر عن الأمراض والآفات (Early Disease Detection)

من خلال الكاميرات متعددة الأطياف أو الحرارية، تقدر تشوف التغيرات اللي ما تبين للعين المجردة زي لون الأوراق تغير؟ أو النبات بدأ يفقد نشاطه؟ هل درجة الحرارة زادت في جزء معين؟ 👨‍⚕️
هذا يسمح لك تبدأ المعالجة في وقت مثالي، وتقلل انتشار المشكلة.

وش التقنيات المهمة ⚙️

• أنواع الدرونات المستخدمة في الزراعة:
  حسب المهمة، تختلف أشكال الدرون. فيه نوع بأربع مراوح (quadcopters) مناسب للرش بدقة، خصوصًا في مزارع متوسطة وصغيرة. وفيه درون بأجنحة ثابتة (fixed-wing) يطير لمسافات أطول ويغطي مساحات واسعة — هذا يستخدم أكثر في التصوير والمسح الجوي
  
  
• الكاميرات والمستشعرات:
  كاميرا متعددة الأطياف (multispectral): تكشف صحة النباتات، وتستخدم مؤشر الـNDVI عشان توضح إذا النبات ينمو طبيعي أو فيه مشكلة.
  كاميرا حرارية (thermal): تقيّم توزيع الرطوبة ودرجة حرارة النبات، وتكشف الإجهاد المائي.
  حساسات LiDAR: تُستخدم للمسح الطبوغرافي الدقيق — يعني ترسم شكل الأرض بدقة، خاصةً لو فيها منحدرات.

• نظام تحديد المواقع GPS وRTK: بدون نظام تحديد مواقع دقيق، الرش أو التصوير بيكون عشوائي. الدرونز المتقدمة تستخدم GPS أو حتى RTK (دقة بالسنتيمتر) عشان تنفذ المسارات بدون انحراف — هذا مهم جدًا في الرش، لأنه كل نقطة تُحسب.

• الذكاء الاصطناعي والبرمجيات: بعد ما تنتهي مرحلة التشغيل وتجميع البيانات، تجي الخطوة الأهم: تحليل البيانات.
  الدرون يرسل الصور والبيانات إلى برامج مثل DroneDeploy أو Pix4D، وهذي تحلل الصور وتطلع لك خرائط تفاعلية، مؤشرات نمو، أو حتى توصيات مباشرة.
  فيه برامج سعودية بدأت تظهر، تربط بيانات الدرون بأنظمة الري والتسميد، بحيث يصير كل شيء متكامل في لوحة وحدة.

• التكامل مع إنترنت الأشياء (IoT): بعض الأنظمة توصل الدرون مع أجهزة استشعار بالأرض (مثلاً حساسات رطوبة)، وإذا طلعت نتائج معينة، يتم إرسال الدرون يطير فوق المنطقة ويتأكد. تخيلي: التربة تطلب “مساعدة” والدرون يستجيب.

 وش فيه بالسوق اليوم؟ (المنتجات الجاهزة) 🛠

• DJI Agras T30/T50: درون رش ذكي، يشيل لحد 40 لتر، ويمشي بخط دقيق بدون ما يصدم شي.
• XAG P150: درون ذكي بالكامل، يُستخدم كخدمة (ما تحتاج تشتريه، تستأجره حسب الحاجة).
• senseFly eBee: طيارة بأجنحة ثابتة، مثالية لمسح الأراضي الكبيرة.
• برامج زيPix4D وDroneDeploy: تعطيك خرائط ومؤشرات نمو، وتقدر تقارن المواسم مع بعض.
• محليًا: شركات سعودية مثل فرناس إيرو بدأت تطور حلول خاصة بالسوق السعودي، وبعضها يدمج التحليل مع أنظمة الري والتسميد.

 طيب ليه ما الكل يستخدمها؟ (التحديات) ❗️

• التكلفة المبدئية: الدرونات المتخصصة غالية، والميزانية أحيانًا عائق.
• الحاجة للتدريب: لازم شخص يعرف يطير ويحلل ويبرمج المهام.
• التنظيمات: الطيران فوق أراضٍ زراعية يحتاج تصاريح واضحة.
• نقص التوعية: كثير من المزارعين ما يعرفون أصلاً إن الدرون يقدر يخدمه بهالطريقة.
• ضعف البنية التحتية الرقمية في بعض المناطق.

وش فرقت فعلًا؟ (القيمة الحقيقية) 💡

نقاط مختصرة… لكن تعني كثير:

• ⏱ توفر وقت وجهد: تخلّص شغل يوم كامل في ساعات.
• 🎯 تقلل الهدر: كل رشّة محسوبة، مافي عشوائية.
• 📊 تحسّن القرارات: تعطيك بيانات تخليك تتصرف صح، في الوقت الصح.
• 🌱 ترفع الإنتاجية: تعرف المشاكل بدري وتلحق تعالجها.
• 🧍‍♂️ تحمي العمال: ما يحتاج أحد يدخل مناطق خطرة أو يشتغل تحت الشمس أو وسط المبيدات.

لفين حتروح الزراعة مع رؤية 2030؟

رؤية 2030 واضحة في هالنقطة: نستخدم التقنية عشان نحسن الزراعة، نوفر المياه، ونخلق فرص جديدة للشباب في مجال التقنية الزراعية. فالدرون اليوم هي جزء من الصورة الكبيرة عشان نحقق الأمن الغذائي ونطور الزراعة هنا. وشوف المشاريع اللي صارت في مناطق مثل الجوف وتبوك، كلها أمثلة حقيقية إن التغيير ما صار كلام بس، صار واقع. ومع دعم الحكومة للابتكار المحلي والبنية التحتية، المستقبل في الزراعة صار له أفق جديد، وأكيد كلنا لازم نكون جزء من هالرحلة.

أخيرا  لو تبغى تتابع آخر الأخبار والتقنيات في الزراعة الذكية مصادر تتابع منها كل جديد 🧠

• AgFunderNews – أخبار وتقارير عن الاستثمار والابتكار الزراعي.
• PrecisionAg – تقنيات الزراعة الذكية والدرونز.
• مدونة DroneDeploy – تطبيقات حقيقية ومقالات سهلة الفهم.
• موقع البنك الزراعي السعودي – تقارير محلية مرتبطة برؤية 2030.
• قناة AgTech Explained على يوتيوب – تشرح التقنيات ببساطة وواقعية.

🚀 ترقّب النشرة الجاية، لأننا بنغوص في مجالات جديدة ومثيرة — من البناء، للتفتيش، وحتى الأمن والسلامة. كل قطاع له حكاية، وحنحكيها سوا، خطوة بخطوة. تابعنا ✨
في الختام، نأمل إن المعلومات حفزتك تشوف الزراعة – والتقنية – بنظرة مختلفة. الدرون كان مجرد بداية، وفي جعبتنا الكثير! 🧠 لو عندك أفكار، تجارب، أو حتى فضول عن مجالات ثانية، لا تتردد تشاركنا.