نشرة ديم البريدية - العدد #14

أهلييييييين 

أحس ببالي كلام كثير ومو عارفه من وين ابدا 

ولـ وين انتهي لكن خل أبدا حكي

قبل كل شيء وقبل أي شيء كل رائد اعمال دايم يكون جواته خوف وحرص وحب التجربة والمخاطرة بشكل كبير ولكن فيه أساسيات مهمةلازم تمشي عليها عشان فعلًا ماتضيع وما يعني هذا ابدًا انك تخاف من خطأك! بالعكس خل عندك حب التقبل والحرص على التعلم وتسمع من فريقك قبل لاتقترح عليهم وتفرض رأيك عليهم من حوالينهم

١/إنزل للميدان

ممكن تنصدم من هذي المعلومة ولكن الحقيقة اللي ممكن الكل مايعرفها مهما تطورت التقنية وتقدمت التكنولوجيا قد يكون عميلك ينتظرك في الخارج، أسمع منه اعرف عنه تكلم معه خلك قريب منه وفعلًا حاول تكون صديقه بسواليفك معه

٢/ استهدف المنصات

صح قلت لك إنزل للميدان لكن في في عملاء يحبون الأونلاين اختار لك منصتين على الاقل او ثلاثة بالأكثر وأبدأ فيهم شغل ورتّب المحتوى تبعك وخطة فريقك وأشرف على العملية بشكل صحيح وفوّض الأمور بشكل واضح ومدروس ولاتستعجل النتائج وبعض الأمور

٣/أعزم اخوياك!

امم ادري ممكن تكون صعبه عليك وتخاف من ردة الفعل ولكن ….

الميزة الرهيبة لما تعزمهم بأن اقرب الناس لك واللي عارفين شخصيتك عن قرب راح يعطونك النقد اللي تحتاجه عشان تطوّر منتجك فعلًا وتحقق منه نجاحات تذكر ويفخر بها الكل بشكل أكبر 

تطبيق Yelp عزموا أخوياهم واللي كانوا موظفين سابقين في شركة PayPal وجابوا لهم ألف مستخدم لتطبيقهم

بالنهاية  التجربة خير برهان جرّب وحاول وبالنهاية وفي كل الأحوال راح تتعلم