ما فيه عنوان...

اسم جريدتكم 🌴🌴

وش تبادر في ذهنك أول ما قريت العنوان؟

فكر 👀 

فكر 😔

؟؟؟

*##***+×××____++### (تشوش مخك؟)

فكـــــــــــــــــــــــر بعد !!

والمفاجئة هي... 💥

إنك محتار وش موضوع الجريدة اليوم!

😁...

ا  ل  ح  ي  ر  ة

الحيرة دايم تجي في البدايات والنهايات ووسط الطريق، معك مستمرة في تشكيلة حياتك سواء كانت هجومية، أو دفاعية، ولا اختيارية، الحيرة ملازمة لك ملازمة...

من أول شنطة مدرسية، إلى تفصيله لبس، إلى اختيار جامعة، إلى أفضل حيرة حيرة اختيار محصول قهوة، وأمتع حيرة هي اختيار هدية، وأصعب حيرة هي اختيار قرار مصيري يترتب عليه خطوات بعده، أما حيرة الخوف مليانة اضطرابات وتسأل نفسك أي الخيارات المتاحة هي أسلم لي. 

والصورة تكون قدامك مغبشة، والطريق مظلمة وما تدري وش فيها ووش نهايتها، فتتخذ الخطوة الأولى بإعترافك بحيرتك لأن إما تتخذها وإما تتخذها!

وتوضح لك الرؤية أكثر بعدها Full HD إذا سألت واستشرت، وأولها هي نفسك، تشاورها وتفكر معها وش هي الخطوة الثانية؟ الخطوة الثقيلة على الروح قبل الجسد، اللي تحتاج إنك تكون فيها قوي وشجاع وتقْدِم عليها بكل قواك.

الخطوة اللي ضروري أنت تعرف وتعترف فيها هي النتيجة و وش تبغى توصل له وتحققه؟، وبعدها تنطلق في طريقك وتتصرف بطريقتك وتتعلم على مهلك، وتخطئ وتصوب خطاك وخطواتك، وتكتشف، وتجرب، وتنقب عن حلول تساعدك بدربك الطويــــــــــــــــــــــــــــــــــــــــــــــل.🛣

فالحيرة ما هي عدو، هي لحظة توقف وتفكير؛ لأنك ما تعرف وش بيصير وكيف تتعامل مع الأمور، ومع الوقت، تكتشف أنها أجمل اللحظات هي اللي ما حطيت لها اسم، وعشتها بحرية، ووصلت فيها للنهاية، وتكتشف بعدين إن رحلتك كان لها عنوان صنعته أنت فيها بتجربتك وخوضك في معاركها. 

عنوان عظيم تخطه بيدك وتفخر فيه وبيبقى في ذاكرتك الرحلة الطويلة المتعبة، بطيحاتك ووقفاتك، بزعلك وفرحك، بحماسك وخمولك، وبكل شـــــــــــــــــــيء مريت فيه...

🛬

وتذكر:

إعلان

تعلن جريدة وعد عن موظف مفـقـ.... (نمزح)

الخبر المنقول في جريدة وعد، هو بيتم تقسيم الجريدة حسب المواضيع، مثلها مثل الجرايد وبتكون: 

• المواضيع اللي فيها شويه مرره من الدين باسم: (قطوف دانية🌿) في هذه الزاوية راح نقطف ما رق من المعاني، وما أنبتته الروح من تأمل ودعاء، ووصال مع الله.
• والمهنية والعملية باسم: (نخلة صامدة🌴) لأن هنا المكان اللي تقف فيه وعد، صامدة في وجه رياح العمل، تنمو بالخبرة، وتتفرع بالتجارب، وكل سطر فيها من عِذق تعب الأيــــــــــــــــــــــــــــــام.
• والحياة الشخصية والاجتماعية باسم (علومي وسلامتك..) وهذا الجزء مو شرط يكون مرتب، ولا مفلتر هنا وعد كما هي، بتجاربها، وثباتها، وتعثرها، وفشلها في مزرعة الحياة؛ لأن في سواقي المياه علوم جارية تستحق أن تُقال وتصل لتُروَى وتَروِي... 
• وإذا استجد قسم جديد ببلغكم..

طيب سؤال النشرة اليوم من أي قسم؟ من قسم واحد ولا هي جامعة قسمين؟ 

وختامًا إذا عندك، افكار، تحسينات، ملاحظات عن النشرة زودني فيها هنا (ما راح أطلب اسمك)