بين الضغط..والرضا الكبير

مرات يمر علينا وقت نحس إن كل شي فوق بعضه😔

ضغط دراسة، مهام ما تخلص، تخرّج يقرّب، مستقبل مبهم، وشوية توتر على خوف على تعب!!!

كلنا نمر فيها، وكلنا نحس إن الطاقة تخلص…

بس الحقيقة؟ إن هالفترة (مهما ضاقت)، ترى ما هي إلا سلمّم صغيـــر توصلك لشي كبير 🪜

اضطراب التخرج؟ طبيعي؛ لأنك تطوي صفحة كبيرة من حياتك.

توتر الشغل؟ منطقي، لأنك تبني اسمك ومستقبلك خطوة بخطوة.

ضغط الدراسة؟ دليل إنك تسعى، ولو ما كانت تهمك، ما شلت همها أصلاً.

لكن تذكر دائمًا: الضغط مو النهاية… الضغط (علامة سعي) والنتيجة الجاية بإذن الله؛ بتفرّحك وتبرد قلبك🤎.

خفف عن نفسك بـ:⬇️

- تنفس عميق، وذكر بسيط

- راحة قصيرة بدون تأنيب

- دعاء صادق، من قلبك

- وعبارة تقولها لنفسك دائمًا: (أنا أستحق، والله معي)

وبإذن الله بيجي وقت تقول فيه: ياااه… كل التعب كان يستاهل🥹

وصلتك النشرة اليوم… خلها توصل شخص محتاجها أكثر منك، شاركها مع قلب يحبك وشاركنا مشاعرك على منصة X او الانستقرام ✨.