قصيدة ( الوردة ) من ديوان قاتلة الكبرياء أشعار/ سالم المسيلي

(الوردة)

زياده المال لنفس يسعدها**

ويكثر حول راعيه الصحب##

اما الفقر ياخوي لروح يتعسها**

ويبعد عنك خلك والمحب##

بالامس في داري ضحكاتهم تسمعها**

واليوم عقبها صارت خرب##

لاتغرك اذا الكيس عامرها**

بكره بيفضى وبتشوف العجب##

لي وردة ببساتني كنت احرسها**

واسقيها سلسبيل من العذب##

حمراء مفتحه سبحان خالقها**

تشرح صدر ذي منها قرب##

شمها مسك من الجنه معطرها**

تشفي ريحها طب فوق الطبب##

شحت علينا الدنيا بنعمتها**

وصارت مواردنا سلف وعيشنا صعب##

قل الدخل وطفت بيوتنا سوارجها**

وصفر العشب وشتت الريح السحب##

جيت بستاني اتفقد اذا الماء ناقصها**

لقيتها ضامره ومسكها قد ذهب##

سألتها حالتك ويش مغيرها**

قالت بعني لصاحب او جنب##

عيش الفقر معاد طايقها**

وسقي الكرع والكوثر ماهو شرب##

بعد السلسبيل على العادي نفسي اوردها**

لا والله مثلي ماتشرب من القرب##

سرحني او روحي هنا ادفنها**

موتي اهون من عيشه على الغصب##

ذه وردة تنكرت لصاحبها**

نسيت من رعاها ع غير باقي الجرب##

ذا عبره ياخوي لك احفظها**

هكذا الدنيا يا من لا تحسب لها حسب##