تبي تشحن لعملائك خارج السعودية ؟ DHL

يا أهلاً من جديد,  أصحاب المتاجر لو فكرتوا توسعون نشاطكم وتوصلون منتجاتكم لعملاء خارج السعودية، ترى الموضوع ما هو معقد إذا ضبطتوه صح. بس أهم شي تعرفون التفاصيل عشان ما تتورطون. في هالنشرة بنغطي لكم كل النقاط المهمة عشان تكونوا مستعدين.

1. خيارات الشحن المتاحة

عندك عدة خيارات للشحن الدولي، وضروري تعرف الأنسب لمنتجاتك:

• الشحن الجوي: سريع ويناسب المنتجات الخفيفة أو اللي تحتاج توصل بسرعة.
• الشحن البحري: أرخص بس ياخذ وقت أطول، ويناسب المنتجات الثقيلة أو الكبيرة.
• شركات الشحن العالمية: زي DHL، FedEx، وAramex. هذي الشركات تقدم خدمات متكاملة من استلام الطلب إلى التوصيل مع تتبع مباشر.
• شركات الشحن المحلية: بعض الشركات السعودية زي زاجل وسلومة يوفرون شحن دولي، وبأسعار تنافسية أحيانًا.

2. تكلفة الشحن – كيف تحسبها؟

تكلفة الشحن تعتمد على:

• وزن المنتج وحجمه (بعض الشركات تحسب الحجم لو أكبر من الوزن).
• الوجهة (كل ما بعدت، زادت التكلفة).
• طريقة الشحن (جوي أغلى من بحري).
• الضرائب والجمارك (في بعض الدول، العميل يدفعها عند الاستلام).

أسعار وتكاليف الشحن عن طريق DHL Express خارج السعودية للمتاجر الالكترونية في سلة مدة الشحن 5 - 8 أيام عمل 1 – الامارات الوزن: 0.5 ك.ج السعر: 55.82 ر.س 2 – قطر الوزن: 0.5 ك.ج السعر: 69.09 ر.س 3 – البحرين الوزن: 0.5 ك.ج السعر: 55.82 ر.س

4 – عمان الوزن : 0.5 ك.ج السعر: 55.82 ر.س 5 – الكويت الوزن : 0.5 ك.ج السعر :55.82 ر.س

💡 نصيحة: جرب تتعامل مع شركات توفر أسعار مخفضة للشحن بكميات كبيرة.

3. التغليف – عامل أساسي في الشحن الدولي

لازم تتأكد إن منتجاتك مغلفة بشكل احترافي عشان:

• تحميها أثناء النقل: خصوصًا إذا كانت منتجات قابلة للكسر.
• تسهل مرورها من الجمارك: أضف تفاصيل المنتج على الكرتون زي النوع، المنشأ، والكمية.
• تعكس احترافيتك: التغليف الأنيق يترك انطباع إيجابي عند العميل.

الراعي الرسمي للنشرة

📢 هذه النشرة برعاية متجر OOTD BY CR – اختيارات مميزة  تجمع بين الأناقة والجودة، استمتعوا بتجربة طباعة اساميكم وارقامكم على تيشرتات انديتكم المفضلة تعرف أكثر عن شريكنا من هنا !

4. الجمارك والضرائب

الجمارك تختلف من دولة لدولة، وبعض المنتجات تحتاج تصاريح خاصة (مثل الأجهزة الإلكترونية أو المنتجات الغذائية).

• اعرف القوانين: كل دولة لها قوانينها الخاصة. مثلاً بعض الدول ما تسمح بدخول منتجات معينة.
• وضح للعملاء: إذا في أي رسوم جمركية أو ضرائب إضافية، بلغهم قبل ما يشترون عشان ما يتفاجأون.

5. تتبع الطلبات – راحة للعميل ولصاحب المتجر

التتبع صار جزء أساسي من تجربة العميل. تأكد إنك توفر رقم تتبع لكل شحنة، ووضح للعميل المدة المتوقعة لوصول الطلب.

• استخدم أنظمة تتبع متقدمة توفرها شركات الشحن الكبرى.
• أرسل تحديثات تلقائية للعملاء عن حالة شحناتهم.

6. أسرار النجاح في الشحن الدولي

• اختيار الشريك المناسب: الشركة اللي تتعامل معها للشحن لازم تكون موثوقة وسريعة.
• التواصل مع العملاء: بلغهم بكل شي، من تكاليف الشحن إلى الوقت المتوقع.
• التخطيط المسبق: جهز مستنداتك ومنتجاتك من بدري عشان تتجنب أي تأخير.
• اختبار التجربة: جرب الشحن لدولة معينة وشوف كيف تكون التجربة قبل ما توسع خدماتك.

7. نصائح إضافية لأصحاب المتاجر

• فكر في العروض الخاصة: زي الشحن المجاني للطلبات فوق مبلغ معين.
• ابنِ ثقة العملاء: اعرض صور أو فيديوهات لعملية التغليف والشحن.
• استغل الأدوات التقنية: فيه منصات زي Easyship وShippo تسهل إدارة الشحن الدولي.

ختامًا

التوصيل خارج السعودية فرصة توسع متجرك وتزيد مبيعاتك، لكن لازم تكون جاهز بالخطط الصحيحة وتعرف كل التفاصيل اللي ذكرناها. إذا بديت صح واهتميت بتجربة العميل، بتلقى طلباتك تتوسع لدول جديدة بسرعة.

لو عندك أي تجربة في الشحن الدولي أو تواجه مشاكل معينة، شاركنا بالتعليقات وخلنا نستفيد كلنا. 👌

سؤالنا لكم:وش أصعب تحدي واجهته في إدارة متجرك؟ شاركنا تجربتك، وخلنا نساعدك! 👇

بانتظار إجاباتكم وحماسكم،( رابط المشاركة )

سناب شات

أكس ( تويتر ) 

للتواصل

المرة الجاية بشارككم كود خصم رهيب من 20 - 60% من سلة لاتعلمو احد 😉